22Kunanpas yachani Yaya Dios tukuy tapushkaykita rurananta.
23Chaypi Jesuska Martata aynirka: Turikika kuti kawsarinkami.
24Chaypi Martaka rimarka: Ari, yachani kay mundu tukurihushpan turinika tukuy wañushkakunawa pakta kawsarimunanta.
25Jesuska aynirka: Ñukami kani wañushkakunata kawsachik, runakunata wiñaypa Yaya Dioswa kawsayta kuk. Maykan runami ñukapi sinchikun, payka wañushpanpas kawsanmi.