Joni 11:19-55

¹⁹Rama'a Jiu vahe'mo'za e'za Matane Maria kiznia, neznasaro fri'negeza e'za zname rentinti hu'naze.

²⁰Jisasi ne-e hia kema Matama nentahino, kantega ome kenaku vu'ne. Hianagi Maria'a nompi mani'ne.

²¹Mata'a, Jisasina ome keno anage huno asmi'ne, Ramoka, Kagrama amafima mani'nantesina, nensaro Lasarusi'a ofrisine.

²²Hianagi meninena nagra antahi'noe, na'anku'ma Anumzamofo antahige'sankeno'a, Anumzamo'a anazana kmigahie.

²³Jisasi'a kenona huno asmi'ne, negsaro Lasarusi'a ete otino asimu erigahie.

²⁴Mata'a amanage huno Jisasina asmi'ne, nagra antahi'noe, henkama otisaza zupa vgare knarera, agra otino asimu erigahie.

²⁵Jisasi'a amanage huno Matana asmi'ne, Fripinti otino asimu erino mani'zamofo agafa'a Nagra mani'noe, iza'o Nagrite'ma amentinti hanimo'a, frigahianagi asimu erino manigahie.

²⁶Maka vahe'mo'za mani'neza Nagrite zamentinti hanazana, ofri'tfa hugahaze. Amama nehua kegura kagra kmentintia nehampi?

²⁷Mata'a anage huno asmi'ne, izo Ramoka, nagra namentinti hue, Kagra Kraisige, Anumzamofo mofavre'moka Kagra ama mopafi erami'nane.

²⁸Mata'a anage huteno, vuno nenunkna Mariana sumi huno agesafi asmi'ne, Hurami ne'mo ne-eno kagriku ke nehie, huno asmi'geno,

²⁹ana kema nentahino'a, ame' huno Jisasinte vu'ne.

³⁰Jisasi'a ana kumapina uofreno, kantega Matama omege'nere mani'negeno, Maria'a emege'ne.

³¹Anante Jiu vahe'mo'za Maria'ene nompi ame rentinti hu'za mani'nareti, kageno'ma agra ame' huno otino megi'a vige'za, zamagra amage nevu'za, keri'are zvi ome ate'naku nevie hu'za antahi'naze.

³²E'ina higeno, Maria'a Jisasi mani'nere eno eme negeno, agiafi emaseno, anage huno asmi'ne, Ramoka Kagrama amafi mani'nantesina, nensaro Lasarusi'a ofrisine.

³³Jisasima kegeno zavi'ma netegeno'a, ana a'ene e'naza Jiu vahe'mo'zane zvi atageno, Jisasi'a nezmageno avamupina tusi'za huno rimpamo'a kna nehigeno,

³⁴Jisasi'a zamantahigeno, inantega ana nera asente'naze? Zamagra kenona hu'za Agrira asmi'naze, Ramoka enka emego.

³⁵Jisasi'a zvi' ate'ne.

³⁶Zamasuma ragiku'ma e'naza Jiu vahe'mo'za anage hu'naze, Keho agrira tusi'za huno avesinte'ne!

³⁷Hianagi mago'amo'za anage hu'naze, ama ne'mo avu suhu ne' eri hari hunte'neankino, Agra Lasarusina mago'a zana huntegeno ofrino manisimpi?

³⁸Anante Jisasi mago'ene, rimpamo'a kna nehigeno ana ne'mofo kerire uhanati'ne. Havega me'nege'za ufrekantera have eri'za runkani re'naze.

³⁹Jisasi'a hunoana have rezahe hutreho, higeno fri'nea ne'mofo nesaro Mata anage huno asmi'ne, Ramoka, menina kno hi'mana vugahie, na'ankure 4'a zgegna ko mani'ne.

⁴⁰Jisasi'a anage huno ana ara asmi'ne, Ko kasmi'noe, kagrama kmentinti hnunka Anumzamofo hankve'a (glori) kegahane hu'na kasmi'nofi?

⁴¹Nentahi'za ana have rezahe hutre'naze. Anante Jisasi'a kesga hunagamuteno, anage hu'ne, Nenfaga, Nagra muse hugantoe, Kagra ke'nia antahi nami'nane.

⁴²Nagra antahi'noe, hakare zupa keni'a nentahine, hianagi kema nehuana ama oti'za mani'naza vaheku hu'na Nagra nehue, Kagra hunantake'na e'noe hu'za zamagra zamentinti hanagu nehue.

⁴³Jisasi'a anagema huteno'a, kezatino Lasarusiga, atiraminka eno!

⁴⁴Higeno fri'nea ne'mo atiramino e'ne, agiane, azanena, tavrave nofi'nu ana'neki'za, avugosa tavravenu anovazinageno Jisasi'a zamasmino, Tavarave'a vakneta eri atrenkeno vino.

⁴⁵E'ina hige'za, rama'a Jiu vahe Maria'ene e'namo'za, Jisasi'ma hiaza nege'za, Agrite zamentinti hu'naze.

⁴⁶Hianagi mago'amo'za vu'za Farisi mono vahete uhnati'za, Jisasi'ma hu'nea zamofo naneke ome zamasmi'naze.

⁴⁷E'ina higeno, vugota mono vahe'ene (Sanhedrin), Farisi vahe'mo'za magopi eme atru hu'za anage hu'naze, Na'a menina hugahune? Ama ne'mo'a rama'a kaguvaza nehie.

⁴⁸Atresnunkeno anazanke huno Agra vaniana, maka vahe'mo'za Agrite zamentinti hanageno, Romu vahe'mo'za e'za ra mono nontine, mopatinena tarega hanaregahaze.

⁴⁹Anante mago'zmimo, Kaiafasi ra mono kva (hai pris) ana kafufina mani'nea ne'mo, anage huno zamasmi'ne, tamagra mago'za antahintahitamifina nontahize.

⁵⁰Na'a hanigeno maka kumatine, mopatia eri havizana hugahie? Atrenkeno magoke'mo miko vahekura frisnie.

⁵¹Kazafasi'a agra antahi'zampinti ama kea osu'ne, hianagi ana kafufina ran mono kva (hai pris) mani'neno, kasnampa ke huno Jisasima frino maka Jiu vahe zamaza hania zanku hu'ne,

⁵²Nehuno Jiu kuma vaheke Agra zamaza osugahie, e'inama hanuno'a hazagre'za vu'za e'za hu'naza vahera zamazeri mago hanige'za Anumzamofo mofavre manigahaze.

⁵³E'i ana knareti erigafa hu'za, Jisasi ahe frisaza ke retro hu'naze.

⁵⁴E'inama hazazanku Jisasi'a mago'ene Jiu vahe zamurera kana onte'ne. Hianagi atreno vuno mago ka'ma kokampi me'nea rankuma kaziga Efraimie nehazarega amage' nentaza naga'ane umani'naze.

⁵⁵Menina Anumzamo Jiu vahe kinafinti zamare'nea knare (Pasova) ne'za ne kna atupa nehige'za, rama'amo'za kuma'zmi atre'za Jerusale mreri'za, ne'za nesagu zamagrazmi zmazeri agru huza retro hu'naze.