Jesaia 5

1

2

5

6

7

8

9

11

12

28

30

31

32

33

35

40

41

42

43

44

45

46

49

50

52

53

54

55

57

60

61

63

64

65

66

¹Aê gabe janam wê teŋ êtu ŋoc ŋacŋa, janam wê êpi ênê kôm wainŋa. Ŋoc ŋac kêsap nê kôm wainŋa teŋ gêsac lôc tonom ŋalêsi ŋajam ŋaô.

²Eŋ kêkac nom ôkwi ŋapep ma kêjaliŋ poc samob sa ma kêpuc wain ŋawalô ŋajam kêsêp. Eŋ kêkwê andu ŋaatêkwa baliŋ kêtu sejop kôm tauŋa ma kêsap sêpip wain ŋamala teŋ gêc gêwiŋ. Go taê kêka gebe nê kôm ênam ŋanô ŋajam, mago gêjam ŋanô sec ŋaômageŋ.

³“O amac lau Jerusalemŋa to amac Judawaga, galoc jateŋ amac gebe amêtôc aêagêc ŋoc kôm wainŋa ma biŋ acgom.

⁴Aê janam kôm ondoc, taŋ gajam atom naŋ, êwiŋ êpi ŋoc kôm wainŋa. Aê taêc kêka gebe ênam ŋanô ŋajam, mago gêjam ŋanô sec ŋaômageŋ kêtu asageŋŋa.

⁵“Ma galoc aê jasôm gêŋ, taŋ gabe jaŋgôm êndêŋ ŋoc kôm wainŋa naŋ, lasê êndêŋ amac aŋô. Aê gabe janseŋ ŋatuŋ su, gebe bôc sêniŋ su ma jatuc ŋatuŋbôm ênsêlô, gebe bôc sêka gamêŋ tau popoc.

⁶Aê oc jakêŋ kôm tau êtu gamêŋ gasaŋ ma janac ŋasêli su to jasap nom êtiam atom e waŋganic to gêŋ têkwa-têkwa êôc auc ma jajatu tao ŋamajaŋ gebe êkêŋ kom ênac êsêp ŋoc kôm atom.”

⁷Lau Israel têtu lausiŋ undambêŋa nêŋ Apômtau nê kôm wainŋa, Ma Judawaga têtu wain ŋawê, taŋ kêjaliŋ sa naŋ. Eŋ taê kêka mêtôc gêdêŋ, mago gêlic sêkêc dec siŋ. Eŋ taê kêka biŋ gêdêŋ, mago kêtap taŋiboa sa.