IOSUA 15:14-25

¹⁴Bena Kaleb ese Anak garana tatoi unu amo e luludia lasi, Sesai bona Ahiman bona Talmai.

¹⁵Una murinai ia ese Debiri taudia e tuari henidia. Debiri ladana gunana be Kiriatasefere.

¹⁶Kaleb eto, Kiriata-sefere baine hadarerea bona baine abia tauna na lau ese natugu kekenina Aksa baina henia, ia adavana.

¹⁷Bena Otoniele Kena, Kaleb natuna lahaina, ese e abia, taunabunai Kaleb ese natuna kekenina Aksa e henia, ia adavana ai e halaoa.

¹⁸Raruosi e headava murinai, hahine na adavana ese lalona e ania, tamana baine noia, tano ta baine henia. Hahine na ena doniki amo e diho negana ai na Kaleb ese e nanadaia, eto, Emu ura be dahaka?

¹⁹Hahine na e haere henia, eto, Harihari ḡauna ta a henigu: egu noho gabuna vada o henigu diho kahana ai; harihari ranu gabudia danu henigu. Bena Kaleb ese ranu gabudia e henia, atai kahana ai bona hen kahana ai.

²⁰Iuda iduhuna taudia ahudia bini, edia doḡoro ta ta ai.

²¹Iuda taudia edia hanua diho kahana, Edom ena tano hetoana badinai, bini: Kabsele bona Edere bona laguru,

²²bona Kina bona Dimona bona Adada,

²³bona Kede bona Hasoro bona Itnan,

²⁴bona Sifi bona Telem bona Bealoto,

²⁵bona Hasoro-hadata bona Kerioto-hesron (ladana ta be Hasoro),