Hechos 12:22-25

²²Ekꞌu ri winaq xkijeqo lik ko kesikꞌinik kakibꞌiꞌij: «¡Waꞌ wa kaqato, na uqul ta juna achi; e uqul jun tiox!» kechaꞌ.

²³Xa pa joqꞌotaj kꞌu riꞌ jun ángel re ri Qajawal xukoj lo jun yabꞌil che ri Herodes; ma rire xukꞌul wa yakbꞌal uqꞌij xꞌanik, yey waꞌ xew taqal che ri Dios. Jekꞌuriꞌlaꞌ xtijiꞌ kuma amolo y ruma waꞌ xkamik.

²⁴Noꞌj kꞌu ri Utzilaj Tzij re ri Qanimajawal lik xeꞌek utzijoxik y lik katajin kikꞌiyarik ri kekojow re.

²⁵Echiriꞌ ri Bernabé y ri Saulo xkikꞌis ri chak yaꞌom chike, xebꞌel chiriꞌ Jerusalem y xkikꞌam bꞌi ri Juan kukꞌ, ri kabꞌiꞌx Marcos che.