MII GUN MIINU MO 12:22-25

²²Dhali ’kwani cuun kagahara mo mmo/o gwo mo ki: ’Twa/ ma rum ’te/ be yisa ’twa/ gi wathimpa mo.

²³Dhali ise/ aman’doyu gwo gi Tapa ’kosh a’di mo haali/ a’di diki kara Arumgimis ki ca mo dhali a’di shwan ma yish mo dhali c̱i shi/in piti mo be.

²⁴Hili gwo ma Arumgimis caki’d mo dhali markunu is mo be.

²⁵Dhala Barnaaba dhala Shawuul doḵkin ’peni Pa Urushaliim mo ki uni ’baarki mii jin iina uni mo mmomii mo tani uni suskina Yohaan nyaḵki uni mo, a’di jin yuḵkunu ki gwaya kamu/ ka Markus mo.