22Jiiga ambazip kambu yeŋön möta kewö jiba qetket, “Keu mi Anutugöreŋ keuya. Mi gölme azigö keuya qahö.”
23Mewö qetketmö, kiŋnöŋ mewö aka Anutugö qetbuŋaŋi qaŋ köla qahö möpöseiba nanŋi möri öŋgöyök. Miaŋgöra Kembugöreŋ Suep garata kunŋan miaŋgöreŋök qei döhönöŋ yöhösii kömuyök.
24Mewö asuhuyökmö, Anutugöreŋ Buŋa keu mi jiba malgetka töhötmöriamŋambuk aka sehiyök.
25Antiokia siti yeŋön Barnabas aka Sol naŋgönaŋgö misin nup kun etkigeri, yetkön mi Jerusalem mala meköyohot teköyök. Mi teköiga Jon qetŋi kun Mak qetkeri, i waŋgita mohotŋe Jerusalem mosöta Antiokia sitinöŋ liliŋgöba kaget. Mewö.