22Iparintanaca Tirosati aisa Sirósati icaimanë: —Cagaro irinibare matsiguenga. Iroonti irinibare Tosorintsi.
23Aito cara itsirishobitanacari Tosorintsi igáqueri insaanganetsite yoanaitëri Eroris tenta ingomantëgotima cara irianti matsiguenga cagari Tosorintsi. Aito cara yaaganaqueri isitsane icamaque.
24Yamai otojaiganaque Irinibare Tosorintsi iquemaigabaquero omagaroguitequë.
25Aroque itsonquero ora igáquengani Berinabé aisa Saoro cara Jerosarénquë, ipiganaja Antioquíaquë. Yáganëri Joan aisa ijita Maricos.