5Isalaela adi waiyunu haba E laliyedi be Diuda edi kin boludi, edi gogo loholohodi, siluba yo gole mahudoꞌidi haba sa tanogogoꞌidi be sa lawedi Babilon.
6Pasula, um yo safalumadi sa miyamiya em luma yai haba sa lawemiu Babilon, um yo afa haidam boludi safalumadi ami liba peloweta bwalabwala. Ainiya, haba ami peꞌi be sa boꞌusaimiu.
7Delamaiya iyen, Guyau, Um wa nuwa liuwigu, be wa bwala fahigu, Um mate wa adidili wananaha habahim yau, be wa lei hafihafitigu. Dodoga mahudoꞌidi sa ala liuliuhwaꞌegu, fuya ouꞌouli.
8Yena bena E liba, mate E yoga laꞌilaꞌi, yawa, “Lau faheyaya yo lulu haba ami lobahidi.” Paꞌana em wasa E libalibaen. Safaluma sa atahiyen mate fuya ouꞌouli sa liba fafaheyayagu yo sa liba fafataumayamayagu.
9Na yena yawa, “Yaubada haba E nuwa fuiyen,” be ibege ai hesana ya libaliba fuyo, ena liba ya alaꞌala doha oyagi alaꞌalana nuwagu yai. E anpate bena E abi didin ai nuwagu, in moho hige gonowagu.
10E ataꞌatahi na dodoga mahudoꞌidi sa fafaꞌasu fenafena tiyen, “Nuꞌu mahudoꞌina mate ꞌwasabu ya nuhuli! Delamaiya ta saman, na ta saman!” Yo afa haidagu edi fanuha bena E beꞌu. Sa faifailiba fuyoꞌidi tiyen, “Nuwana haba ena liba i an fuyo, yo somo heyaheyayana ya ginauli haba te bui fuyoi.”
11In moho Um, Yaubada, mate egu tefa yai, doha tau hiyala adiꞌadidilina, wa hasai wananaha, be salumadi bena sa fakamkamnagu haba sa anpate asahaigu. Paꞌana haba ibege adi loge, hige edi faꞌatiti, ya ota esegahi ee–, hige anadan.
12In moho, Yaubada Hewa Wananaha yai, dudulai yai dodoga wa itadi; somo nuwadi yai haꞌa wa sibaidi. Logena, agu hala u abi agu waiyunu lisidi yai, paꞌana egu nuwa pilipili E toleyawa nimam yai.
13Te wana lau Guyau lisina yo te fadebasae! Tau gogo gesagesa, dodoga heyaheyayadi edi gigibwali yai Guyau ya fasagu fahidi.
