Buka Linge 147:4-10

⁴Gaia te padai na lei veitughu, me vatu ahadira.

⁵Haba vule dida na God, Me laga ngangata nina maana, Nina manaha te mua soko mua.

⁶A Lord te righitaonira rahei tara kabu rurughu, hauva te soni horura rana dika.

⁷Linge vania Lord nia na holouto, Tangi vania dida na God nia na ukalele.

⁸Te talura na lei lovu tana parako, me ke vetena mai na uha vania na pari mamaha, me ke gonia na buburu te totolo tana lei ghotu.

⁹Te nia vetena mai na vanga vania na lei maumanu, ma vania na lei maumanu pile tana bona tara tangi.

¹⁰A Lord te mua ghanaghana mava na lagana na horse, pe liona na lagana na tuana na mane.