Pisalem 147:4-10

⁴Go Mee dela ne haga noho di hulu heduu, e gahi di ingoo di heduu nei mo di heduu nei.

⁵Tadau Dagi le e aamua ge maaloo. Di kabemee o Maa le e deemee di hagatau.

⁶Mee e dahi aga digau ala e manawa hila gi lala, ge e dagadagahi digau huaidu gi lodo nia gelegele.

⁷Daahili i nia daahili hagaamu ang gi Dimaadua. Daahili i godou ‘harp’ ang gi tadau God.

⁸Mee e hagamodoho nia gololangi i lala di langi. Mee e hai nia uwa gii too gi henuailala, gaa hai nia geinga tolo gii tomo i tomo nia gonduu.

⁹Mee e wanga nia meegai gi nia manu, ga haangai nia manu mamaangi ‘raven’ i nadau madagoaa ma ga tangitangi hiigai.

¹⁰Mee hagalee manawa tene gi nia hoodo maaloo, be gi nia daane dauwa de mmaadagu.