Buka Linge 139:1-6

¹Vania na tinoni gehe linge. Nina linge David. Ghe Lord, to kene taonia tua na tobagu, mo ghilala utou tua.

²Mo ghilala ghua na bona ni tapatughuruagu, mana sopou horuagu, mo ghilala ghua na lokana na liogu, tu kabu sagauvigho.

³Ighoe to padalaghinia tua na halautugu, mo bosa vaniu ivei ku sopou ni ahevata, mo ghilalai ghua na lei bona ni aho tu ghahau iga.

⁴Lord, ighoe to ghilala dila tua na hava ku bosa, inaghona ge u bosa horua na bosa.

⁵Ighau ko ide, mo ko tumuriu, ko haua mai na limamu vuvunga ni ulugu, mo ko vautou.

⁶Na vata ni manaha eni te sule vuleu inau, e sule vulea nigua na manaha ni ghilala.