Samsi 139:1-6

¹Wana Tau Lau Kulukuluwenna, Deiwidi ana Wana Hesa Guyau, wa siba wananahaigu nuwagu ganahewana wa ita faꞌofi.

²Egu taꞌai yo egu obiyo haꞌa wa sibaidi. Edam ya lofa in moho egu nuwanuwatuhu haꞌa wa sibaidi.

³Egu leu, egu sae yo egu anyawasi wa sibaidi. Egu laulau mahudoꞌidi haꞌa wa itadi.

⁴Guyau, hola hige liba hesa ya libaen na haꞌa wa siba.

⁵Um egu eda wa bwaꞌiyen yo hinaga muligu yai wa laolaoma, em gigibwali yai wa bobobodiyegu.

⁶Sibasiba doha ite mate noꞌona hige gonowagu, ya hasai wananaha be hige gonowana somo ya ita lobahi.