Buk Song 139:1-6

¹Devit i raitim dispela song. Em i song bilong man i bosim musik. Bikpela, yu skelim pinis bel bilong mi, na yu save tru long mi.

²Yu save long olgeta samting mi save mekim. Yu stap longwe, tasol yu save long olgeta tingting bilong mi.

³Yu save lukim mi long taim mi mekim wok na long taim mi slip. Yu save long olgeta pasin bilong mi.

⁴Na sapos mi laik mekim wanpela tok, yu save pinis long dispela tok.

⁵Yu raunim mi long olgeta hap na yu save was long mi long strong bilong yu.

⁶Save bilong yu i antap tru long mi na i winim tingting bilong mi.