Amos 8

1

2

3

4

5

6

7

8

9

¹Go Apômtau Anôtô kêtôc gêŋ tonec gêdêŋ aê gebe Aê galic ka ŋanô ŋalêwê gadob teŋ.

²Ma eŋ kêsôm gebe” Amos, aôm gôlic asageŋ.” Ma aê kasôm gebe “Gal ic ka ŋanô ŋalêwê gadob teŋ.” Go Apômtau kêsôm gêdêŋ aê gebe “Aêŋoc lau Israel nêŋ têm mêŋgêjac pep, aê jaê êsêacnêŋ biŋ tôŋ êtiam atom.

³Êndêŋ bêc tonaŋ wê aŋga lôm dabuŋ ênam tau ôkwi êtu taŋiboa.” Apômtau Anôtô nê biŋ tau tonec. “Êtôm gamêŋ samob êsêac sêmbaliŋ ŋawêlêlaŋ taêsam siŋ ŋabiŋmêgeŋ.”

⁴Amac taŋ aka lau sêpô lêna tauŋŋa tôŋ ma akôniŋ lau ŋalêlôm sawa gamêŋ tonecŋa naŋ, akêŋ taŋem biŋ tonec.

⁵Amac asôm gebe “Êndêŋ ondoc ajôŋ mêŋgêô lasê ŋaôm êmbacnê, gebe takêŋ polom êndêŋ lau sênam ôli. Êndêŋ ondoc sabat êmbacnê, gebe tatulu mo ma daŋgôm dôŋ moŋa êtu sauŋ ma mo ŋaôli êtu kapôêŋ ma tansau lau ŋa dôŋdansaŋ.

⁶Ma tanam ôli lau ŋalêlôm sawa ŋa silber to lau sêpô lêna tauŋŋa ŋa atapa ma takêŋ polom ŋapa êndêŋ lau sênam ôli amboac tonaŋgeŋ.”

⁷Apômtau kêtôc lêma kêpi Jakobnê wae ŋajam gebe “Biŋŋanôgeŋ, aê jaliŋ êsêacnêŋ gêŋ samob, taŋ sêgôm naŋ, ŋateŋ siŋ atomanô.

⁸Biŋ tonec êŋgôm nom êtênêp to êŋgôm lau samob, taŋ sêŋgôŋ nom tau naŋ, têtaŋ taŋiboa ma êŋgôm nom samucgeŋ êsuŋ êtôm bu Nil ma ŋakotoŋ-kotoŋ e ê su êtiam êtôm bu Nil aŋga Aiguptu naŋ, atom me.”

⁹Apômtau Anôtô kêsôm gebe “Êndêŋ bêc tonaŋ aê jakêŋ oc naêsêp êndêŋ têm oc êkô ŋaluŋŋa ma jaŋgôm nom ŋagamêŋ ŋakesec êsa êndêŋ ocsalô.

¹⁰Aê gabe janam nêm om têmtac ŋajamŋa ôkwi êtu bêc ŋawapac to janam nêm wê samob ôkwi êtu taŋiboa. Aê gabe jakêŋ amac samob anac talu ma samob akaliŋ môkêmlauŋ su. Aê gabe jaŋgôm amac ataŋ taŋiboa êtôm ŋac, taŋ gêjam taê tau kêtu nê latu tageŋgeŋŋa, ma anac dabiŋ bêc tau amboac sêjac dabiŋ bêc têntac ŋamakicŋa teŋ.”

¹¹Apômtau Anôtô kêsôm gebe “Alicgac me, bêc oc mêŋêsa, go jakêŋ tôbôm ênam gamêŋ auc. Tôbôm mo to buŋa atom, tôbôm sêŋô Apômtaunê mêtêŋa.

¹²Lau oc sêsêlêŋ sêwê aŋga gwêc ŋamakeŋ e dêndêŋ gwêc ŋamakeŋ to aŋga gamêŋ musaŋgu-mŋa e dêndêŋ gamêŋ oc kêpiŋa. Êsêac sêna sêmêŋ—sêna sêmêŋ ma sensom Apômtaunê mêtê, mago têtap sa atom.

¹³“Êndêŋ bêc tonaŋ lauo takiŋ tolaŋôŋ êjam ma ŋacseŋom mateŋ êlô êtu bu êjô êsêacŋa.

¹⁴Lau taŋ têtôc lemeŋ êndêŋ gwam Asima Samariaŋa ma sêsôm gebe ‘Dannê anôtô gêŋgôŋ mata jali, tec aê jasôm biŋŋanô,’ ma êsêac, taŋ sêsôm teŋ gebe ‘Bersebanê lamu gêmoa, tec aê jasôm biŋŋanô,’ naŋ êsêac samob oc sembeŋ e sêndi sa êtiam atom.” gêbacnê, tec ka ŋanô ŋalêwê katu Apômtaunê bec mêtôcŋa ŋadôŋ.