1 Lengte 8:1-46

¹Solomon Lengpan Israeltephung bahkai holeh phung jouse lamkai hole upaho jouse Jerusalema hunga David khopi Zionna kona Pakaikitepnathingkongchu hinpu’a Houina thahlut dingin akou khom tan ahi.

²Hiti chun Israelte chu lha sagi channa Ethanim lhasung in hoibitna golvah um khom dingin ahung kikhom tauvin ahi.

³Israel lamkaiho jouse ahung kikhop khom phat un thempu hon apu uvin akipat doh tauvin,

⁴Levite le thempu hon Pakai umpina ponbuh chuleh manchah theng ho jouse chutoh Houin ah apo lut un ahi.

⁵Solomon Lengpa leh Israel mipiho jouse chu Pakai kitepna thingkong masanga chun aki khom un kelngoi tamtah leh bongchal tamtah athat un kilhaina pumgo thilto abol un agancha thao hochu atam behseh jeh in simjou ahi pon ahi.

⁶Hichun thempu hon Pakai kitepnathingkong chu Houin sunga apolutun Cherubimim teni lhaving noimuntheng chungnung penna chunakoi tauvin ahi.

⁷Hitichun thingkong chuleh aputnamoljol teni jong chu Cherubim tenilhalim teni noija chun aum tan ahi.

⁸Hiche aputna mol teni himunthengpen masang’a chu idinleh jangpet in akimu thei jin, munchoma kon vang in akimu thei ponahi. Hiche moljol teni hi tuni geijinaum nalai je.

⁹Hiche kitepna thingkong sung’ahin thildang aum pon Israelte Egypta kona ahung pot doh uva Pathen in Sinai mol’a Mose ana peh Israeltetoh aki tepna song pheng tenibouchu a um in ahi.

¹⁰Thempuho chu muntheng penakona ahung potdoh teng ulehmeilom sa-tah chun Houin chuakhu khum jeng jin ahi

¹¹Meilom chun Houin ahin khuteng leh Pathen loupi na chun houinalo dim ji in Thempu hon na atongjom thei ji tapouvin ahi.

¹²Hiteng chuleh Solomon in taonaamang jin, “O Pakai! Meilom akhun kaum ji nana ti,

¹³Pakai tu hin Tonsotna na chen nathei dingin hiche houin thupi tah hika sahdoh peh tan ahi!” ati.

¹⁴Hijou teng chu leh Lengpa chuahung ki heijin avel’a ding mihonpi hiti hin phatthei aboh jin ahi.

¹⁵“Israelte Pakai Pathen chuthangvah in um hen! Aman kapa David kom’a ana kitep na chu amolso tan ahi, ajeh chu Amankapa kom ah,

¹⁶‘Kami Israelte chu Egyptmakona kahin puidoh a pat chun, keima ei kihouna ding houin akisahna dingin Israelte chenna gamkhopi khatcha jong kana lhengponahinlah David nangma hi kami Israelte chunga vaihom dingin kanalheng in ahi!’” anati.

¹⁷Chuin Solomon chun aseiben, “Kapa David chun Israelte Pakai Pathen min loupi dopsang na dinginhouin ana sa gon ahi.

¹⁸Pakaiyin Keima min Loupinading’a Houin sah nagot nalungtupchu ahoi nai,

¹⁹Hinlah hiche Houin sa ding chunang nahipoi, keima min loupina Houin sa ding chu na chate lah akhatpen in asah ding ahi bouve!” ati.

²⁰“Tun Pakai nang in na kitepnachu na lolhin sahtan kapa khellin keima leng ka hung chang tanchuleh Pakai nangma nakitepnabang in Israel laltouna a chun keimaka laltoutan ahi. Tun Israel Pakai Pathen nangma min loupina dinginhouin chu ka hin tungdoh tan ahi.

²¹Chuleh Pakai nang in kapu kapate’u Egypt a kona na hin pui dohhotoh nana ki tepna thingkong jongchu akoi na ding kahin gong tanahi,” ati.

²²Hijou chun, Solomon chu Israel mipite jouse masang Pakaimaicham noija chun adingin, van lam’ah akhut adom sang in,

²³Hitin atao tai, “Vo Pakai Israel Pathen, hiche vannoi leiset ahinnang tobang Pathen dang aumpoi, Nang ma mitmu’a alung thimpumpia kal songho chung ah nakitepna dung juijin na ngailut nalhasam louhel in na musah jing in ahi.

²⁴Nangin kapa David kom anakitepna chu nalhakang pon ahi. Nangman nakam’a naphondoh nakitepna bang in na khut tah’in tuninna lolhin sah tan ahi,” ati.

²⁵“Tun O Pakai Israel Pathen, nang in kapa David komma nanakitepna abanjong chu subulhittan, ajeh chu nangman ama kom’anana seichun na chilhah ten lamdihahin chepi uva, nang chonna bangakitahna neitah a ajui uva ahilehnachate lah’a khat pen pen chu Israel Laltouna a hung toupeh dingahibouve na ti chu,

²⁶O Israel Pathen! Nasohpa kapa David kom’a hitia nana kitepna chutu hin subulhit tan,” ati.

²⁷“Ahinlah Pathen chu hiche leiseta hi iti chen ding ham? Ahipoi, vansangpen in jong na dol ponte chutiahileh hiche keiman ka tundoh Houin hin iti na dol ding ham?

²⁸Ahinlah, O Pakai ka Pathenkataona le kathum nahi nei ngaipehin, na sohpa na kom’a kaka nale kataona hi nei ngai peh tei jin,

²⁹Nang in kamin um jing dingahi, nana tina hiche Houin hi asunajan in hin velhi jing in lang, hichelang ngatna katao chan’in nanginkataona nei ngaipeh in.

³⁰Nami Israelte lah ahin keima kahin hiche lang ngatna kisunemtahle ngaichatna nei tah a kahung taoteng uleh neihin ngaipeh teijun, vanna chenna munna kona na hin jahteng jong leh neingai peh un, na jahteng leh neingaidam’un,” ati.

³¹“Khat touvin mikhat chungabolkhelaneiya, hiche Houinmaicham maiya hi kamopoi tiakihahsel a auma ahileh,

³²Nang in vanna konin hin ngaijinlang mihehpa le aki hehpa kikaha thu hintan’in lang athemmo chuachan dingdol chansah jengin, chuleh themmona nei loupa chuthem chansah jengin.

³³Nami Israelten nangma douna aachonset jeh uva agalmi hon ahinjouva chu teng amahon a themmona’u ahin kihet uva na kom ahinbeluva hiche houin a hi ahung tou uvaahileh,

³⁴Hiteng chule vanna koninataona’u hin ngaijin lang nami Israelte hi a chonset na’u hinngaidam inlang, apu apate’u nanapehna hiche gam ah hinle puilut kittei jin.

³⁵Namite hi nangma douna achonset jeh uva go na juhsahlouteng leh amaho a chonset na’uahung kisih uva namin ahin pat uvahiche Houin lang ngatna ahung taoteng u-leh,

³⁶Nangman vanna konin ataona’u hin ngaijin lang na mi Israeltehi achonset na’u hin ngaidam in. Ama hohin lampidih achepi theinadiuvin hin hil’in chuleh amaho dingtumbeh a napeh gam leiset chunga hin go hin juhsah kit jitan,” ati.

³⁷“Ijem tia gamsung’a hi kel lhahham ahilou leh natna hivei lang’aham ahilou jongle anche louhingho khaokho te ham, lungkang teham ahung lan jeng ham ahilou lehakhopi’u hohi, min ahin delkhumjeng ham ahi louva natset ham inahin lonvuh jeng u-ham teng,

³⁸Nami Israelte hin hiche Hou inlang hi ahin ngatna aban ahin jahuva ahung tao uva a hahsat na’u hiahin lhut teng u-leh,

³⁹Hiteng chule na chenna vangama konin hin ngaidam in. Namite hinachonna’u dung juija achan diuvalom chu pe jengin, ajeh chu nang inmi lungthim jouse jong nahetsohkei sa ahi.

⁴⁰Hitia chu nabol teng apu apate’una na pehna hiche gam ahi achenlaise uvin nangma na ging jingtauvinte,” ati.

⁴¹“Khonung teng leh nami Israeltehilou gamchom miho jong hin, nangma hina hin hedoh untin, namin jal’a gamla tah’a kon ahihung diu ahi.

⁴²Ajeh chu amaho hin namin loupikithan hi ahin hetdoh diu, nabanthahatna ahin bol diu chu tenglehamaho jong hou in lang hi ahin ngatuva hung tao diu,

⁴³Hiteng chule nachenna vannakonin hin ngaipeh inlang chuleataona’u chu hin sanpeh in. Hitiachu nami Israelten na het bang uvahi Leiset chung’a mipiho jouse hinna hinna ahin hetdiu nahin gindiuahi. Amaho jong hin namin loupi nadingin hiche Houin ka hin tundoh hi ahin hetdiu ahi.

⁴⁴Namite hi agalteu toh kisatdinga akon uva hahsatna atoh jehuva keiman namin loupi na ding’akahin tundoh hiche Houin ahin ngatuva ahung tao teng uleh,

⁴⁵Vanmun akonin ataonau hinngaijin lang a ngaichat u hinsuhbulhit peh in,” ati.

⁴⁶“Amahon nangma douna ahungchonset jeng uva ahileh koihiachonse khalou um am? Nangmajeng jong nalung hanga agalmiteuna josahtheiahiloulehagalmiteuvin agam uva gal hing’a nakaimang sahthei jong ahi.