عِسِرَيِلَ مَنفّيٍ ١ 8:1-46

¹نَ تّمُي، سُلٍمَنِ نَشَ عِسِرَيِلَ قٌرِيٍ، بْنسْي شُنيِيٍ، نُن عِسِرَيِلَ دٍنبَيَ شُنيِيٍ مَشِلِ عَلَكٌ عٍ شَ تٍ عَلَتَلَ شَ سَاتّ كَنكِرَ رَ كٍلِقٍ سِيٌن، دَوُدَ شَ تَا.

²عِسِرَيِلَكَ بِرِن نَشَ عٍ مَلَن مَنفّ يِرٍ عَلَكٌ عٍ شَ كِكٍ سٌلٌقٍرٍ سَلِ رَبَ.

³عِسِرَيِلَ قٌرِيٍ بِرِن تٌ مّننِ لِ، لٍوِكَيٍ نَشَ سَاتّ كَنكِرَ تٌنفٌ،

⁴عٍ عَ شَنِن عَ نُن عَلَ شَ نَرَلَندٍ كِرِ بَنشِ، عَ نُن سٍ سّنِيّنشِ نَشٍيٍ نُ نَ عَ كُي. لٍوِكَ سّرّشّدُبّيٍ نَن نَ وَلِ رَبَ.

⁵مَنفّ سُلٍمَنِ نُن عِسِرَيِلَ حَمَ نَشٍيٍ بِرِن نُ مَشِلِشِ، نَشَ تِ سَاتّ كَنكِرَ يَ رَ. عٍ نَشَ شُرُ سٍ لَنمَيٍ نُن عَ شُنفبٍ فبٍفبٍ بَ سّرّشّ رَ، نَشَن كْنتِ مُ نُ نْمَ كٌلٌندٍ.

⁶سّرّشّدُبّيٍ نَشَ عَلَتَلَ شَ سَاتّ كَنكِرَ دْشْ عَ دْشْدٍ عَلَ شَ هْرْ مْبَنشِ، يِرٍ سّنِيّنشِ قِسَمَنتٍ كُي. عٍ عَ دْشْ مَلٍكّيٍ فَبُتٍنيِيٍ بُن مَ.

⁷مَلٍكّيٍ فَبُتٍنيِيٍ نُ عِتَلَشِ سَاتّ كَنكِرَ نُن عَ مَشَنِن سٍيٍ شُن مَ.

⁸سَاتّ كَنكِرَ مَشَنِن سٍيٍ قِندِشِ وُرِ كُيٍيٍ نَن نَ، نَشٍيٍ حْييٍ نُ تٌمَ كَقِ ثَلَ مَ يِرٍ سّنِيّنشِ كُي، كْنْ عٍ مُ نُ نْمَ تٌدٍ هْرْ مْبَنشِ تَندٍ تَن مَ. هَن تٌ سَاتّ كَنكِرَ نَ مّننِ.

⁹سٍسٍ مُ نُ نَ نَ سَاتّ كَنكِرَ كُي، قٌ نَ وَلَشّ قِرِنيِ عَننَبِ مُنسَ نَشٍيٍ سَ عَ كُي. عَ نَ رَبَ شٌرٍبٍ فٍيَ يِرٍ نّ، عَلَتَلَ سَاتّ شِرِ لْشْي عٍ نُن عِسِرَيِلَكَيٍ تَفِ، عٍ مِنِ تّمُي مِسِرَ.

¹⁰سّرّشّدُبّيٍ تٌ مِنِ يِرٍ سّنِيّنشِ كُي، نُشُي ندٍ نَشَ فٌرٌ عَلَتَلَ شَ بَنشِ مَ، عَ عَ رَقٍ.

¹¹سّرّشّدُبّيٍ مُ نْ لُدٍ مّننِ عٍ شَ عٍ شَ وَلِ رَبَ، بَرِ مَ نَ نُشُي نُ نَ نَا، عَلَتَلَ شَ نْرّ نُ بَرَ لُ بَنشِ بِرِن مَ.

¹²نَ كُي، سُلٍمَنِ نَشَ عَ قَلَ، «عَلَتَلَ عَ مَسٍن نّ، عَ عَ سَبَتِمَ نُشُي قْورّ نَن كُي.

¹³نَ كُي ﭑ بَرَ لِنفِرَ تِ عِ بّ، عِ سَبَتِمَ دّننَشّ عَبَدَن.»

¹⁴مَنفّ نَشَ عَ يَ رَقِندِ، عَ دُبَ عِسِرَيِلَ حَمَ بِرِن بّ. عٍ بِرِن نُ تِشِ.

¹⁵عَ نَشَ عَ مَسٍن، «تَنتُي نَ عِسِرَيِلَ مَرِفِ عَلَتَلَ بّ، نَشَن وْيّن ﭑ بَبَ دَوُدَ بّ عَ كّرّ رَ. عَ قٍ نَشَن بِرِن مَسٍن عَ بّ، عَ نَ بِرِن نَكَمَلِشِ نّ.

¹⁶عَ نَشّ، ‹كَقِ ﭑ نَن ﭑ مَ حَمَ رَ مِنِ مِسِرَ بْشِ رَ، ﭑ مُ نُ تَا سُفَندِشِ عِسِرَيِلَ بْنسْييٍ تَفِ ﭑ بَنشِ تِمَ دّننَشّ. ﭑ مَن مُ شّمّ سُفَندِشِ نَشَن قِندِ مَ ﭑ مَ عِسِرَيِلَ حَمَ يَرٍرَتِ رَ. كْنْ ﭑ بَرَ دَرِ سَلَمُ نَن سُفَندِ عَلَكٌ ﭑ شِلِ شَ لُ نَا. ﭑ مَن بَرَ دَوُدَ سُفَندِ عَلَكٌ عَ شَ قِندِ ﭑ مَ عِسِرَيِلَ حَمَ شُنيِ رَ.›»

¹⁷«ﭑ بَبَ دَوُدَ نَشَ نَتّ تٌنفٌ عَ بْحّ كُي، عَ قٌ عَ شَ بَنشِ تِ عِسِرَيِلَ مَرِفِ عَلَتَلَ بّ.

¹⁸عَلَتَلَ نَشَ عَ قَلَ ﭑ بَبَ دَوُدَ بّ، ‹عِ تٌ نَتّ تٌنفٌ عِ بْحّ كُي ﭑ مَ بَنشِ شَ قٍ رَ، نَ بَرَ قِندِ حَنِفٍ قَنيِ رَ.

¹⁹كْنْ عِ تَن شَ مُ نَ بَنشِ تِمَ. عِ شَ دِ نَن نَ تِمَ. عِ نَشَن بَرِشِ، نَ نَن ﭑ مَ بَنشِ تِمَ.›

²⁰عَلَتَلَ بَرَ عَ شَ مَسٍنيِ رَكَمَلِ. ﭑ تَن بَرَ تِ ﭑ بَبَ دَوُدَ حْشْي رَ عِسِرَيِلَ مَنفّ كِبَنيِ كُي، عَلْ عَلَتَلَ عَ مَسٍن كِ نَشّ. ﭑ مَن بَرَ بَنشِ تِ عِسِرَيِلَ مَرِفِ عَلَتَلَ بّ.

²¹ﭑ بَرَ عَلَتَلَ شَ سَاتّ كَنكِرَ دْشْ نَا، عَ شَ سَاتّ وَلَشّ نَ نَ كُي. عَ نَ سَاتّ شِرِ عَ نُن عِسِرَيِلَكَيٍ نَن تَفِ.»

²²مَنفّ سُلٍمَنِ نَشَ تِ سّرّشّبَدٍ يَ عِ حَمَ بِرِن يَ شْرِ، عَ نَشَ عَ بّلّشّ عِتَلَ كٌورٍ مَ، عَ قَ عَ قَلَ،

²³«عِسِرَيِلَ مَرِفِ عَلَتَلَ، عِ مَنِيّ مُ نَ كٌورٍ نُن بْشِ مَ. عِ دُفُتّفّشِ عِ شَ سَاتّ نُن عِ شَ هِننّ شَ قٍ نَن نَ عِ شَ كٌنيِيٍ مَبِرِ، نَشٍيٍ حّرّ مَ عِ يَ تٌدٍ رَ عٍ بْحّ قِيشّ رَ.

²⁴نَ نَ عَ رَ، تٌ لْشْي عِ بَرَ عِ شَ لَايِدِ رَكَمَلِ عِ شَ كٌنيِ ﭑ بَبَ دَوُدَ بّ.

²⁵يَكْسِ، عِسِرَيِلَ مَرِفِ عَلَتَلَ، عِ لَايِدِ نَشَن تٌنفٌشِ عِ شَ كٌنيِ ﭑ بَبَ دَوُدَ بّ، عِ شَ نَ رَكَمَلِ. عِ بَرَ عَ مَسٍن عَ بّ، ‹شَ عِ بْنسْي قّنتّن عٍ حّرّ كِ مَ عَلْ عِ عَ رَبَشِ كِ نَشّ، عٍ نَشَ ﭑ مَ سّرِيّ بِنيَ، مِشِ ندٍ نَ عٍ بْنسْي يَ مَ نَشَن قَمَ لُدٍ عِسِرَيِلَ كِبَنيِ كُي عَبَدَن.›

²⁶يَكْسِ، عِسِرَيِلَ مَرِفِ عَلَتَلَ، عِ شَ عِ شَ مَسٍنيِ رَكَمَلِ، عِ نَشَن مَسٍن عِ شَ كٌنيِ دَوُدَ بّ.»

²⁷«كْنْ عَلَ تَن نْمَ سَبَتِدٍ دُنِحَ بّندّ قُحِ قَرِ عَدَ مَدِيٍ تَفِ؟ كٌورٍ نُن عَ شَ فبٌي شُرُن عِ بّ. ﭑ بَنشِ نَشَن تِشِ عِ بّ عَ شُرُن كٌورٍ بّ. عِ لُمَ مّننِ دِ؟

²⁸ﭑ مَرِفِ عَلَتَلَ، عِ شَ عِ شَ كٌنيِ شَ دُبّ سُشُ، عِ شَ عَ شَ مَشَندِ تٌنفٌ، عِ شَ عِ تُلِ مَتِ عِ شَ كٌنيِ وَ شُي رَ.

²⁹عِ شَ عِ حّنفِ سَ يِ بَنشِ شْن مَ كْي نُن يَنيِ رَ، بَرِ مَ عِ شِلِ مَتْشْمَ بٍ. عِ شَ عِ شَ كٌنيِ شَ مَشَندِ سُشُ يِ بَنشِ كُي.

³⁰عِ شَ عِ تُلِ مَتِ عِ شَ كٌنيِ نُن عِ شَ حَمَ وَ شُي رَ، عٍ عِ مَشَندِ مَ بٍ تّمُي نَشّ. كٍلِقٍ كٌورٍ مَ عِ دْشْشِ دّننَشّ، عِ شَ عِ تُلِ مَتِ مُشُ رَ، عِ مَن شَ دِحّ.»

³¹«شَ مِشِ ندٍ سَ يُنُبِ رَبَ عَ بٌورٍ رَ، عٍ قَ عَ قَلَ عَ بّ عَ شَ كَلِ ندٍ تِ سّرّشّبَدٍ يِرٍ يِ بَنشِ كُي،

³²عِ شَ نَ قٍ مَتٌ كٍلِقٍ كٌورٍ مَ، عِ شَ كِيتِ سَ نْندِ رَ عَلَكٌ قٍ كَنّ نُن تِنشِنتْي بِرِن شَ عٍ سَرٍ سْتْ.»

³³«شَ عِ شَ حَمَ عِسِرَيِلَ سَ يُنُبِ رَبَ عِ رَ، عٍ يَشُييٍ قَ نْ عٍ رَ نَ شَ قٍ رَ، شَ عٍ بَرَ تِن فبِلٍنقٍ رَ عِ يِرٍ، عٍ عِ شِلِ مَتْشْ، عٍ عِ مَشَندِ يِ هْرْ مْبَنشِ كُي،

³⁴عِ شَ نَ قٍ مَتٌ كٍلِقٍ كٌورٍ مَ، عِ شَ عِ شَ حَمَ عِسِرَيِلَ شَ يُنُبِيٍ شَقَرِ، عِ قَ عٍ رَفبِلٍن بْشِ مَ، عِ دّننَشّ قِشِ عٍ تَن نُن عٍ بَبَيٍ مَ.»

³⁵«شَ كٌورٍ سَ بَلَن، تُنّ يٌ مُ قَ، بَرِ مَ عٍ بَرَ يُنُبِ رَبَ عِ رَ، شَ عٍ قَ عِ مَشَندِ بٍ، عٍ عِ شِلِ مَتْشْ، عٍ فبِلٍن عٍ شَ يُنُبِ قْشْ رَ عِ عٍ رَيَافِشِ نَشَن مَ،

³⁶عِ شَ نَ قٍ مَتٌ كٍلِقٍ كٌورٍ مَ، عِ شَ عِ شَ كٌنيِيٍ، عِ شَ حَمَ عِسِرَيِلَ شَ يُنُبِيٍ شَقَرِ، عِ شَ عِ شَ سّرِيّ قَنيِ مَسٍن عٍ بّ عَلَكٌ عٍ شَ نَ حّرّ كِ كٌلٌن، عِ قَ تُنّ رَفٌرٌ عِ شَ بْشِ مَ، عِ نَشَن قِندِ عٍ فبٍ رَ.»

³⁷«شَ كَامّ سَ سِن يِ بْشِ مَ، شَ نَ مُ قُرٍ، شَ نَ مُ بَلٌي كَنّ، شَ نَ مُ فٍرٍ، شَ نَ مُ فبَلٌي فبّتّ،

³⁸شَ مِشِ ندٍ سَ عِ مَشَندِ، شَ عِ شَ حَمَ عِسِرَيِلَ عَ مَوَ عِ شْن، بَرِ مَ عٍ بَرَ عَ كٌلٌن عٍ شَ تْورّ كٍلِشِ قٍ نَشَن مَ، عٍ قَ عٍ بّلّشّ عِتَلَ يِ بَنشِ مَبِرِ،

³⁹عِ شَ نَ قٍ مَتٌ كٍلِقٍ كٌورٍ مَ عِ مَفٌرٌشِ دّننَشّ، عِ شَ دِحّ، عِ شَ مِشِ بِرِن سَرٍ قِ عَ شَ وَلِ رَ، عِ تَن نَشَن عَدَ مَ بِرِن بْحّ مَ قٍ كٌلٌن. عِ كٍرٍن ثٍتِ نَن عِبُنَدَ مَ بِرِن سٌندٌن مَ قٍ كٌلٌن.

⁴⁰نَ كُي عٍ قَمَ فَاشُدٍ عِ يَ رَ، عٍ حّرّ عِ شَ كِرَ شْن عٍ شَ سِمَيَ بِرِن كُي يِ بْشِ مَ، عِ نَشَن قِشِ مُشُ بَبَيٍ مَ.»

⁴¹«شَ شْحّ ندٍ سَ قَ كٍلِقٍ حَمَنّ مَ، نَشَن مُ قِندِ عِ شَ حَمَ عِسِرَيِلَ مِشِ ندٍ رَ،

⁴²عَ قَ عِ شِلِ شُنفبٍ نُن عِ سّنبّ شَ قٍ رَ، عَ عِ مَشَندِ يِ بَنشِ كُي،

⁴³عِ شَ نَ قٍ مَتٌ كٍلِقٍ كٌورٍ مَ عِ عِ مَفٌرٌشِ دّننَشّ، عِ شَ عَ شَ مَشَندِ سُشُ عَلَكٌ سِ بِرِن شَ فَاشُ عِ شِلِ يَ رَ دُنِحَ، عَلْ عِ شَ حَمَ عِسِرَيِلَ. عٍ شَ عَ كٌلٌن عِ تَن نَن شِلِ مَشَندِ مَ يِ بَنشِ كُي ﭑ نَشَن تِشِ.»

⁴⁴«شَ عِ شَ حَمَ سَ مِنِ عَ يَشُييٍ فٍرٍدٍ عَلْ عِ عَ مَسٍن عٍ بّ كِ نَشّ، شَ عٍ عِ مَشَندِ يِ تَا مَبِرِ رَ عِ دّننَشّ سُفَندِشِ، شَ عٍ عِ مَشَندِ يِ بَنشِ مَبِرِ رَ ﭑ نَشَن تِشِ عِ شِلِ رَ،

⁴⁵عِ شَ نَ قٍ مَتٌ، عِ شَ عٍ شَ دُبّ سُشُ، عِ شَ كِيتِ تِنشِنشِ سَ عٍ بّ.»

⁴⁶«شَ عٍ سَ يُنُبِ رَبَ عِ رَ، عَلْ عَدَ مَدِ بِرِن دَرِشِ نَشَن نَ، شَ عِ بْحّ تٍ عٍ شِلِ مَ، عِ قَ عٍ سَ عٍ يَشُييٍ سَفٌي، عٍ قِندِ فٍيلِمَنِيٍ رَ يِرٍ مَكُيٍ، شَ نَ مُ عَ رَ يِرٍ مَكْرّشِ،