1 KINANƆ 2:7-14

⁷Ǹ gbɛ̃kɛ kɛ Giliada gbɛ̃ Bazilai nɛ́gↄ̃gbɛ̃nↄnɛ. Ǹ ń ditɛ gbɛ̃ kũ ánigↄ̃ pↄ́ ble lɛɛlɛnↄ tɛ́, zaakũ mↄ́kↄ̃nↄ mɛ́ ò zɛ̀ kũmao gↄrↄ kũ matɛn bàa sí n vĩ̀ni Abusalomunɛ.

⁸Biliaminu buri Gera nɛ́ Simɛi, Bahurimu gbɛ̃ kú kũnwo dↄ. À ma ka pãsĩpãsĩ gↄrↄ kũ matɛn gɛ́ Manaimu. Kũ à sù à ma le Yodai, ma la dànɛ ma pì kũ Dikirio mani a dɛro.

⁹Bee kũ abireo ǹsun a tó gwe wɛ́tãmmanaa sariro. Ń ↄ̃ndↄ̃, ń dↄ̃ deran ĩni kɛnɛ nà à ga kpã̀m à gɛ̃ miran.

¹⁰Akũ Dauda gà. Yurusalɛmu fárandi kũ ò a vĩ̀n òdi pi Dauda wɛ̃tɛ.

¹¹À kɛ̀ Isarailanↄ kína ũ ari wɛ̃̀ bupla, Ɛblↄnu wɛ̃̀ suppla, Yurusalɛmu wɛ̃̀ baraakuri awɛɛ'aakↄ̃.

¹²Sulemanu vùtɛ a de gbàn akũsↄ̃ à kpata zĩni pɛtɛna.

¹³Agi nɛ́ Adonia gɛ̀ɛ à Sulemanu da Basɛba lè, akũ Basɛba a là à pì: Aafian n su yá? À wèa à pì: Aafiamɛ!

¹⁴Adonia ɛ̀ra à pì: Má yã vĩ mà onnɛ. Basɛba pì: Ǹ o!