ᤗᤢᤁᤠ 20:19-24

¹⁹ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤏᤢ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤕᤧᤛᤢ᤺ᤴ ᤒᤠ ᤂᤧᤵᤔᤥᤀᤣ ᤋᤧᤶᤔᤠ ᤏᤡᤱᤘᤠ᤹ ᤔᤧᤈᤥᤃᤢ. ᤌᤣᤀᤠᤱᤓᤧᤸᤗᤧ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤂᤧᤍᤠ᤹ᤀᤥ ᤑᤧᤴ ᤀᤡᤰᤔᤛᤠᤒᤠᤜᤠ᤹ᤏᤢ ᤋᤱᤄᤢᤛᤡᤒᤠᤴ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢ. ᤁᤖ ᤔᤏᤠᤜᤠ᤹ ᤔᤧᤃᤡᤖᤢᤛᤡ॥

²⁰ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤋᤧᤶᤔᤠ ᤑᤠ᤹ᤀᤠᤱ ᤛᤢᤕᤧᤶ ᤁᤥ᤺ᤵᤔᤠ ᤔᤧᤜᤣ᤺ᤰᤋᤢ॥ ᤂᤧᤱᤜᤠ᤹ᤖᤧ ᤔᤏᤠᤜᤠ᤹ ᤕᤠᤱ ᤔᤧᤒᤡᤖᤢᤛᤡᤀᤠᤱ ᤛᤠᤶᤕᤥᤏᤡᤒᤠ ᤔᤧᤗᤧᤱᤛᤡᤱᤅᤠᤱ ᤕᤧᤛᤢᤖᤧ ᤁᤢᤎᤥ᤺ᤶᤛᤧ ᤔᤧᤒᤠᤱᤄᤢᤛᤡ॥ ᤂᤧᤱᤜᤠ᤹ᤖᤧ ᤁᤢᤒᤠ᤺ᤴᤏᤥ ᤋᤧᤶᤔᤠᤀᤠᤱ ᤖᤥᤔᤡ ᤕᤢᤰᤛᤠᤒᤠᤜᤠ᤹ ᤏᤢ ᤛᤢᤜᤠᤱᤃᤧᤶᤒᤠᤜᤠ᤹ ᤐᤡᤔᤠᤛᤡ ᤁᤧᤗ᤹ᤒᤠ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥

²¹ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤁᤢᤒᤠ᤺ᤴᤏᤥ ᤌᤠ᤺ᤔᤠ ᤑᤠ᤹ᤀᤠᤱ ᤛᤣ᤺ᤴᤔᤧᤍᤥᤛᤢ. “ᤛᤡᤰᤛᤠᤶᤒᤣ. ᤛᤧᤰᤂᤠᤛᤠᤱ ᤂᤧᤏᤧ᤹ᤃ ᤁᤢᤍᤥ᤺ᤵᤔᤠ ᤐᤠ᤺ᤴᤗᤰ ᤁᤧᤒᤠ᤺ᤳᤋᤢ᤹. ᤜᤧᤰᤁᤩᤠᤱ ᤁᤢᤍᤥ᤺ᤵᤔᤠᤖᤰ ᤁᤧᤜᤢ᤹ᤖᤢᤛᤡ᤹॥ ᤂᤧᤏᤧ᤹ᤃ ᤀᤠᤳᤋᤡᤴ ᤔᤏᤠᤜᤠ᤹ᤀᤠᤱ ᤁᤧᤴᤇᤧᤴᤍᤢᤴᤇᤡᤴ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤶᤔᤡᤴ ᤛᤧᤰᤂᤠᤀᤣ ᤁᤧᤜᤢ᤹ᤖᤢᤛᤡᤖᤥ॥

²²ᤜᤧᤰᤁᤣ᤺ᤸᤗᤧ ᤁᤴ ᤐᤠ᤺ᤴᤏᤡᤴ ᤀᤠᤔᤧᤳᤋᤧ᤹–ᤖᤥᤔᤡ ᤐᤕᤶ ᤜᤠᤱ ᤛᤡᤈᤖᤧᤴ ᤀᤣ᤺ᤱᤕᤠᤱ ᤜᤢᤱᤔᤠ ᤀᤠᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤀᤠᤒᤡ᤹ᤒᤡ ᤀᤠᤶᤒᤡᤏᤧᤴᤒᤡ᥅”

²³ᤕᤧᤛᤢᤖᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤆᤡ᤺ᤵᤔᤠᤴ ᤏᤡ᤺ᤛᤢᤀᤠᤱ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ.

²⁴“ᤀᤡᤱᤃᤠ᤹ ᤕᤠᤱᤀᤡᤳᤇᤡ᤺ᤴ ᤀᤥᤛᤣ᤺ᤴᤀᤠᤎᤠᤰᤋᤧᤶᤔᤧ᤹॥ ᤁᤵᤔᤥ ᤜᤠ᤺ᤳᤗᤧ ᤁᤢᤀᤡᤳᤇᤠᤵ ᤏᤢ ᤁᤢᤒᤠ᤺ᤴᤛᤠᤵ ᤐᤵᤐᤣ᥅” ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤛᤡᤈᤖᤧᤸᤗᤧᤴ ᤐᤳᤗᤥ॥”