Luka 20:19-24

¹⁹Biŋsutau to lau dabuŋsêga sêjala gebe eŋ kêsôm biŋgôliŋ tonaŋ kepeŋ êsêac, tec gacgeŋ sebe sêkam eŋ tôŋ gêdêŋ ŋasawa tonaŋgeŋ, mago têtêc lau.

²⁰Êsêac dêdib eŋ ma sêsakiŋ lau sepeŋ biŋwaga, taŋ sêsabaŋ tauŋ gebe lau mansaŋ naŋ, ec sêlô eŋ ŋa tau nê biŋ ma sêkêŋ eŋ êsêp gôliŋwaga lêma gebe êmêtôc eŋ.

²¹Tec sêsôm gêdêŋ eŋ gebe “Mêtêmôkê, aêac alic aôm kôsôm to kôdôŋ jagêdêŋ ma kôpuc opeŋ ŋamalac atom ma kôdôŋ Anôtônê lêŋ toŋanôgeŋ.

²²Aêac embe takêŋ takis êndêŋ kaisara oc eso aêacnêŋ biŋsu me masi.”

²³Jesu kêjala êsêac têtim eŋ, tec kêsôm gêdêŋ êsêac gebe

²⁴“Akôc denari teŋ mêŋjalic acgom. Asa nê ŋakatu to ŋatalô gêc.” Ma êsêac sêsôm gebe “Kaisaranê.”