ᤗᤢᤁᤠ 20:19-24 in Limbu

¹⁹ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤏᤢ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧ ᤕᤧᤛᤢ᤺ᤴ ᤒᤠ ᤂᤧᤵᤔᤥᤀᤣ ᤋᤧᤶᤔᤠ ᤏᤡᤱᤘᤠ᤹ ᤔᤧᤈᤥᤃᤢ. ᤌᤣᤀᤠᤱᤓᤧᤸᤗᤧ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤂᤧᤍᤠ᤹ᤀᤥ ᤑᤧᤴ ᤀᤡᤰᤔᤛᤠᤒᤠᤜᤠ᤹ᤏᤢ ᤋᤱᤄᤢᤛᤡᤒᤠᤴ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢ. ᤁᤖ ᤔᤏᤠᤜᤠ᤹ ᤔᤧᤃᤡᤖᤢᤛᤡ॥

²⁰ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤋᤧᤶᤔᤠ ᤑᤠ᤹ᤀᤠᤱ ᤛᤢᤕᤧᤶ ᤁᤥ᤺ᤵᤔᤠ ᤔᤧᤜᤣ᤺ᤰᤋᤢ॥ ᤂᤧᤱᤜᤠ᤹ᤖᤧ ᤔᤏᤠᤜᤠ᤹ ᤕᤠᤱ ᤔᤧᤒᤡᤖᤢᤛᤡᤀᤠᤱ ᤛᤠᤶᤕᤥᤏᤡᤒᤠ ᤔᤧᤗᤧᤱᤛᤡᤱᤅᤠᤱ ᤕᤧᤛᤢᤖᤧ ᤁᤢᤎᤥ᤺ᤶᤛᤧ ᤔᤧᤒᤠᤱᤄᤢᤛᤡ॥ ᤂᤧᤱᤜᤠ᤹ᤖᤧ ᤁᤢᤒᤠ᤺ᤴᤏᤥ ᤋᤧᤶᤔᤠᤀᤠᤱ ᤖᤥᤔᤡ ᤕᤢᤰᤛᤠᤒᤠᤜᤠ᤹ ᤏᤢ ᤛᤢᤜᤠᤱᤃᤧᤶᤒᤠᤜᤠ᤹ ᤐᤡᤔᤠᤛᤡ ᤁᤧᤗ᤹ᤒᤠ ᤏᤡᤱᤘᤠ᤹ ᤔᤧᤈᤥᤃᤢᤖᤥ॥

²¹ ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤁᤢᤒᤠ᤺ᤴᤏᤥ ᤌᤠ᤺ᤔᤠ ᤑᤠ᤹ᤀᤠᤱ ᤛᤣ᤺ᤴᤔᤧᤍᤥᤛᤢ. “ᤛᤡᤰᤛᤠᤶᤒᤣ. ᤛᤧᤰᤂᤠᤛᤠᤱ ᤂᤧᤏᤧ᤹ᤃ ᤁᤢᤍᤥ᤺ᤵᤔᤠ ᤐᤠ᤺ᤴᤗᤰ ᤁᤧᤒᤠ᤺ᤳᤋᤢ᤹. ᤜᤧᤰᤁᤩᤠᤱ ᤁᤢᤍᤥ᤺ᤵᤔᤠᤖᤰ ᤁᤧᤜᤢ᤹ᤖᤢᤛᤡ᤹॥ ᤂᤧᤏᤧ᤹ᤃ ᤀᤠᤳᤋᤡᤴ ᤔᤏᤠᤜᤠ᤹ᤀᤠᤱ ᤁᤧᤴᤇᤧᤴᤍᤢᤴᤇᤡᤴ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤶᤔᤡᤴ ᤛᤧᤰᤂᤠᤀᤣ ᤁᤧᤜᤢ᤹ᤖᤢᤛᤡᤖᤥ॥

²² ᤜᤧᤰᤁᤣ᤺ᤸᤗᤧ ᤁᤴ ᤐᤠ᤺ᤴᤏᤡᤴ ᤀᤠᤔᤧᤳᤋᤧ᤹–ᤖᤥᤔᤡ ᤐᤕᤶ ᤜᤠᤱ ᤛᤡᤈᤖᤧᤴ ᤀᤣ᤺ᤱᤕᤠᤱ ᤜᤢᤱᤔᤠ ᤀᤠᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤀᤠᤒᤡ᤹ᤒᤡ ᤀᤠᤶᤒᤡᤏᤧᤴᤒᤡ᥅”

²³ ᤕᤧᤛᤢᤖᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤆᤡ᤺ᤵᤔᤠᤴ ᤏᤡ᤺ᤛᤢᤀᤠᤱ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ.

²⁴ “ᤀᤡᤱᤃᤠ᤹ ᤕᤠᤱᤀᤡᤳᤇᤡ᤺ᤴ ᤀᤥᤛᤣ᤺ᤴᤀᤠᤎᤠᤰᤋᤧᤶᤔᤧ᤹॥ ᤁᤵᤔᤥ ᤜᤠ᤺ᤳᤗᤧ ᤁᤢᤀᤡᤳᤇᤠᤵ ᤏᤢ ᤁᤢᤒᤠ᤺ᤴᤛᤠᤵ ᤐᤵᤐᤣ᥅” ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤛᤡᤈᤖᤧᤸᤗᤧᤴ ᤐᤳᤗᤥ॥”

¹⁹ साम्‌योथिम्‍साम्‍बाहाॽ नु तुम्निङ्‌वाॽफुसाम्‍बाहाॽरे़ ये़सुःन् बा खे़प्‍मोए ते़म्‍मा निङ्‌वाॽ मे़जोगु, थेआङ्‌भे़ल्‍ले़ ये़सुरे़ पाःत्तुबा खे़दाॽओ फे़न् इक्‍मसाबाहाॽनु तङ्‌घुसिबान्‌खे़ङ्‌हाॽरे़ निङ्‌वाॽ मे़घोःसु, कर मनाहाॽ मे़गिरुसि॥

²⁰ खे़ल्‍ले़ चोगुल्‍ले़ खे़ङ्‌हाॽरे़ ये़सुःन् ते़म्‍मा फाॽआङ् सुये़म् कोःप्‍मा मे़हेःक्‍तु॥ खे़ङ्‌हाॽरे़ मनाहाॽ याङ् मे़बिरुसिआङ् साम्‌योनिबा मे़ले़ङ्‌सिङ्‌ङाङ् ये़सुरे़ कुधोःम्‍से़ मे़बाङ्‌घुसि॥ खे़ङ्‌हाॽरे़ कुबाःन्‍नो ते़म्‍माआङ् रोमि युक्‍साबाहाॽ नु सुहाङ्‌गे़म्‍बाहाॽ पिमासि के़लॽबा निङ्‌वाॽ मे़जोगुरो॥

²¹ खे़ङ्‌हाॽरे़ ये़सुःन् कुबाःन्‍नो थाःमा फाॽआङ् सेःन्‍मे़दोसु, “सिक्‍साम्‍बे, से़क्‍खासाङ् खे़ने़ॽग कुदोःप्‍मा पाःन्‍लक् के़बाःत्तुॽ, हे़क्‍क्‍याङ् कुदोःप्‍मारक्‌के़हुॽरुसिॽ॥ खे़ने़ॽग आत्तिन् मनाहाॽआङ् के़न्‍छे़न्‍दुन्‍छिन्, हे़क्‍क्‍याङ् निङ्‌वाॽफुमाङ्‌ङिल्‍ले़ कुलाम्‍मिन् से़क्‍खाए के़हुॽरुसिरो॥

²² हे़क्‍केःल्‍ले़ कन्‌पाःन्‍निन् आमे़त्ते़ॽ–रोमि पयम् हाङ् सिजरे़न् एःङ्‌याङ् हुङ्‌मा आनिॽ साम्‌योथिम्‍मिल्‍ले़ आबिॽबि आम्‍बिने़न्बि?”

²³ ये़सुरे़ खे़ङ्‌हाॽरे़ खुनिॽ निङ्‌वाॽ चिःप्‍मान् निःसुआङ् खे़ङ्‌हाॽ नोगप् पिरुसि,

²⁴ “इङ्‌गाॽ याङ्‌इत्‍छिःन्‌ओसेःन्‍आधाक्‍ते़म्‍मे़ॽ॥ कप्‍मो हाःत्‍ले़ कुइत्‍छाप् नु कुबाःन्‍साप् पप्‍पे?” खे़ङ्‌हाॽरे़ नोगप् मे़बिरु, “सिजरे़ल्‍ले़न्‌पत्‍लो॥”