ዮሃኒሳ 3:29-36

²⁹ሳርጌ ዎዴ ኤካና ሚሺራይ ዲዛዴይ ኢዚካ ሚሺራ። ሚሺራ ላጌይ ጊዲኮ ሚሺራዛ ኣቻን ኤቂዲ ሚሺራዚ ጊዛዝ ሲዬስ። ሚሺራዛ ፃላ ሲይዲ ኡፋዬቴስ። ሄሳ ጊሽ ታ ኡፋይሲ ሃዒ ፖሌቲዴስ።

³⁰ኢዚ ꬎቁ ꬎቁ ጋና ማላ ታካ ዚቂ ዚቂ ጋና ኮሼስ።

³¹“ፑዴፔ ዪዛዴይ ኡባፌ ቦላ። ጋርሳ ቢታፌ ዪዳዴይ ኢዚ ቢታፌኔ ቢታዚ ዮቴስ። ሳሎፔ ዪዛዴይ ኢዚ ኡባፌ ቦላ።

³²ኢዚ ባ ቤዪዳዚኔ ባ ሲዪዳዝ ማርካቴስ። ጊዶ ኣቲን ኢዛ ማርካቴꬅ ኤኪዛዴይ ዴና።

³³ኢዛ ማርካቴꬅ ኤኪዛዴይ ጊዲኮ ፆሳ ቱማንቻ ጊዲዳይሳ ቆንጪሴስ።

³⁴ፆሲ ኪቲዳዴይ ፆሳ ቃላ ዮቴስ። ፆሲካ ኢዛዴስ ባ ኣያና ማኪ ኢሜና።

³⁵“ኣዋይ ባ ና ዶሴስ። ሃኒዛ ዮዖ ዉርሲ ኢዛ ኩሼን ኣꬂ ኢሜስ።

³⁶ናዛን ኣማኒዛዴስ ሜርና ዴዖይ ዴስ። ናዛን ኣማኖንታይ ጊዲኮ ፆሳ ሃንቆይ ኢዛ ቦላ ዳና ኣቲን ዴዖ ዴሜና” ጊዴስ።