San Juan 3:29-36

²⁹Noviayojcajka noviomi. Chaypi caj noviopaj amigon noviopaj parlaskanta uyarispa, cusicun. Jinallatataj cunanka cusicuyneyka junt'aska.

³⁰Payka astawan astawan importante canka, nokataj pisi importante.

³¹Janaj pachamanta jamojka tucuymanta curaj. Cay pachamanta cajka cay pacha runalla, cay pachapi cajcunallamanta parlan. Janaj pachamanta jamojcajtaj tucuymanta curaj.

³²Ricuskanta uyariskantawan parlan, chaywanpas pipas creenchu paypaj parlaskanta.

³³Pillapas creejka, willacun Diospaj verdad niskanta.

³⁴Diospaj cachamuskanka Diospaj palabrancunata parlan; imaraycuchus Dios Santo Espiritunta payman kon, mana chhicanta jarc'acuspa.

³⁵Dios Tata Churinta munacun, atiytataj kon tucuy imata paylla mandacunanpaj.

³⁶Diospaj Churinpi creejcunaka wiñaypaj salvaska cankacu; Churipi mana creey munajcunataj mana salvaskachu cankacu, manachayri Dios paycunata sinchita castiganka.