Text copied!
CopyCompare
Di Nyoo Testiment eena Bileez Kriol - Jan - Jan 3

Jan 3:29-36

Help us?
Click on verse(s) to share them!
29Di groom da di wan weh ga di braid. Di groom fren jos dehdeh di lisn fi wen di groom kohn, ahn ih rijais wen ih yehr ih vais. Wel, da di sayhn way wid mee; dats wai Ai oanli glad.
30Di Krais mos geh moa ahn moa impoatant, bot mee, Ai mos geh les ahn les impoatant.
31“Gaad Son kohn fahn hevn ahn ih grayta dahn evribadi; aal laik mee, Ai kohn fahn di ert an Ai bizniz ya, soh Ai oanli ku taak bowt ting weh kansaan dong ya. Di wan weh kohn fahn hevn grayta dahn evribadi els.
32Hihn taak bowt evriting weh hihn si ahn yehr, bot stilyet, nobadi noh bileev weh ih seh.
33Evribadi weh bileev weh hihn seh fain owt fi chroo dat Gaad noh di tel lai.
34Di wan weh Gaad sen seh aal weh Gaad waahn ih seh, kaa Gaad gi hihn di ful powa a ih Spirit, ahn ih neva hoal notn bak.
35Di Faada lov ih Son, ahn ih gi ahn powa oava evriting.
36Evribadi weh put dehn fayt eena Gaad Son wahn liv fareva; bot enibadi weh noh du weh di Son seh wahn neva ga da laif deh, ahn Gaad jojment wahn aalwayz di heng oava dehn hed.”

Read Jan 3Jan 3
Compare Jan 3:29-36Jan 3:29-36