Jon 3:29-36

²⁹Tu musano ra i nolin nam tu ino, anun a ino ut ra. A pasan a musano ra i nolin, in tur ma in longoro suri. Ra in longoro in nalngano, in gas doko. Uniri, anung a gasgas i elar nam anun a gasgas, ra anung a gasgas i sot maragom.

³⁰O Iesu ut in labo nanan ma iau an natino nanan.

³¹“O naro ra i wan pirso tagisapat una langit, i labo sakit taun a taro rop. A musano ra taginin upiso, taginin ut upiso, ma i wasiso kut una kum utna taginin upiso. I ra i wan tagisapat una langit, i labo sakit taun a taro rop.

³²Ma i wasiso talapor una kum utna ra i tama tari ma i longoro tari, ikut kataio i nurnur una nun a wasiso.

³³Ikut det ra det nurnur una nun a wasiso, det mulaot lena o God i a lingmulus.

³⁴I ra o God i tulu ru i, i wasiso nama wasiso anun o God, uni o God i pitar rop tar a Tokodos na Nion toromi.

³⁵O Tamano i nem o Nutunu, ra i pitar rop tar a kum utna ulamano.

³⁶Osi ra i nurnur una Nutun o God, i sa utur ukai a nilaun tukum. Ikut, osi ra i rosumur gusun o Nutunu, ken utur ukai a nilaun, uni a kankan anun o God kura uni.”