Yon 3:29-36

²⁹Epapedeme oplamitapo a꞉ya halepiye, ya꞉ gadlalo oplamitapo ya꞉ mateka꞉pi dla halemama ya꞉ yu dalepame sikemte siyemdepo. Epapele api tle na꞉ mape wata sikemte siyele mate halapo.

³⁰Epedeme ka꞉dena, Kelisota di ikadepe dla hallati asiyama na꞉ta isili ikadepe dla hallowe ka꞉pi.

³¹Epedeme Pepele di tle puale oplamitapo opa hapuloma tla꞉mtame halapo. Amasiyama ta꞉lamo tle puale oplamiye e ta꞉lamo oplamipo. Adipalati, ya꞉ isikimi ta꞉lamo hema koko hutiye hapuloma tlo atlamdepo. Epapedeme Pepele di tle puale oplamitapo di ikadepe dla halapo.

³²Ya꞉ ya꞉ta tlamale koko mate epo dlalle koko mate ma-atlamdepo. Amasiyama oplami haletapo ya꞉ yu pohasemde.

³³Amasiyama oplami antapo ya꞉ yu dalepame mikadepe dlepiye, ya꞉tapo God yuye ikadepe demama apelepe.

³⁴Epedeme Godta tane dle oplamitapo God tle yu hapame atlamsela꞉lepo. Adipalati, Godtapo ya꞉ Hela꞉dle Soko sukulu pa꞉le ya꞉ watle ma-hamiwapo.

³⁵Godtapo Yami bokotiyapo malamama koko hapulomaye ya꞉ta dokopala depo hallepo depame itiyamale ma-hamiwapo.

³⁶Epedeme oplami antapo ya꞉ dla mikadepe dlepiye, ya꞉ye halepo halepo pasakalo halepe. Amasiyama oplami antapo ya꞉ dla pomikadepe dlalo wekelepiye, ya꞉ye halepo halepo pasakalo pohalowa. Amasiyama Godta siyaladletapo ya꞉ mate kokó me-hallepe.”