João 3:29-36

²⁹Pytaketõ kẽ pytãko mana. Epe tõ roropa tãkye exĩko mana topekõ pytaryke. Ywy mokaro sã ase tãkye.

³⁰Imehxo exĩko mokyro mana. Ywy ime hkopyra exĩko ase. Poremãnõko sã ase. Yrome tãkye ro ase, tykase João typoetory tomo a.

³¹Mame Kapu ae Ayhtohpyry imehxo mana, emero motye mana. Sero nonopõkõ senohne waro rokene. Senohne poko rokẽ oturũko toto. Yrome Kapu ae Ayhtohpyry mã seropõkõ motye mana imehxo.

³²Tynenetyã poko oturũko mana. Tynetatyã poko roropa oturũko mana. Yrome aomiry onetara seropõkõ mana.

³³Aomiry se exiketõ rokẽ imehnõ tuarõtanohnõko mana kure Ritonõpo exiry poko.

³⁴Ritonõpo nenyokyhpyry zae Ritonõpo omiry ekarõko mana, Ritonõpo zuzenu nae toexiryke.

³⁵Jumy Tumũkuru pyno ipunaka. Morara exiryke emero tokarose eya, emero esẽme aehtohme.

³⁶Ritonõpo mũkuru enetupuhnanõ orihpỹme exĩko. Jũme Ritonõpo maro exĩko mã toto. Yrome aomipona pyra exiketõ orihketõme ro mana. Ritonõpo maro exipyra toh ekurehnõko mana. Toto zehno exikehpyra Ritonõpo mana Tumũkuru omipona pyra tokurehse toto exiryke.