8मिनु मेको मुरपुकी बोक्शा लशा, मेको रागी आ ब्रेक्स ब्रेक्चा गोम्तेक्म। यहोसुमी मेको आन कली दोदेंशो देंमे, मोदेंशो पाम्तेक्म। मिनु ङोंइती यहोसुमी “लने, मेको रागी नेल्ल हिरसीन। मिनु मेको रागी आ ब्रेक्स ब्रेक्शा, आ बाक्तीक चाक्कीन। मिनु गो एक शिलोमी गे इन कली परमप्रभु यावे आ ङोंइती योक्शा गेनन्नी” देंत।
9मिनु मेकोपुकी लशा, रागी नेल्ल हिरसाक्म। मिनु सहर सहर कोव़शा, मेको रागी ७ भाग सेल्शा ब्रेक्ताक्म। मिनु यहोसु आ बाक्तीके शिलोम लेत्तेक्म।
10मिनु यहोसुमी शिलोमी परमप्रभु यावे आ ङोंइती इस्राएली थर ङा खिं खिं ङा मुर आन कली मेको रागी योक्शा गेप्तु।
11मिनु योव़ङमेनु, बेन्यामीन आ खिं खिं ङा मुरपुकीमी आन रागी ताम्तेक्म। मेको आन रागी यहूदा थर नु योसेफ आस थर निक्शी आन दातेमी बाक्त। उत्पत्ती ४९:२७
12मेको सांद उत्तर गे यर्दन रे पा लाइश्शा यरीको आ उत्तर ङा देम्सीलो लाक्शा, पच्छिम गे ङा पहाड लाक्शा गोरशो रागी बेथ-आवेन सम्म जाक्दीश्शो बाक्त। यहोसु ७:२
13मेकेर रे मेको सांद दक्खिन ङा लूज ङा देम्सीलो लाक्शा, अतारोथ-अदार आ आइदी जाक्दीश्शो बाक्त। लूज कली बेथेल यो देंनीम। मेको आ दक्खिन गे जाक्दीश्शा, आइदी बेथ-होरोन आ दक्खिन गे ङा पहाड रे पा लुक्च लशो बाक्त। उत्पत्ती १२:८; उत्पत्ती २८:१९
14मिनु मेको सांद मेकेर ङा पहाड आ ङोंइती बाक्शो बेथ-होरोन आ दक्खिन पच्छिम रे पा दक्खिन गे हिरशो बाक्त। मिनु किरयथ-बाल सम्म जाक्दीश्शो बाक्त। किरयथ-बाल कली किरयथ-यारीम यो देंनीम। मेको यहूदा आ थर ङा मुर आन सहर बाक्त। मेको पच्छिम गे बाक्ब। यहोसु १५:६-९,६०