يّتّ سْتْي 40:9-33

⁹«عِ نَ فّ نَ رَ، عِ شَ تُرٍ سّنِيّنشِ تٌنفٌ، عِ قَ عَ سَ هْرْ مْلِنفِرَ نُن عَ كُي سٍ بِرِن مَ، عٍ شَ سّنِيّن عَلَتَلَ بّ.

¹⁰عِ مَن شَ نَ رَبَ سّرّشّبَدٍ نُن عَ يِرَبَسٍ بِرِن مَ. عٍ شَ سّنِيّن عَلَتَلَ بّ.

¹¹عِ مَن شَ نَ رَبَ يٍ سَسٍ شُنفبٍ نُن عَ دْشْسٍ مَ، عٍ شَ سّنِيّن عَلَتَلَ بّ.»

¹²«عِ شَ هَرُنَ نُن عَ شَ دِيٍ مَلَن هْرْ مْلِنفِرَ سٌدٍ دّ رَ، عِ قَ عٍ مَشَ يٍ رَ.

¹³عِ شَ سّرّشّدُبّ سٌسٍ سّنِيّنشِيٍ رَفٌرٌ هَرُنَ مَ، عِ قَ تُرٍ سّنِيّنشِ سَ عَ مَ عَلَكٌ عَ شَ قِندِ ﭑ مَ سّرّشّدُبّ رَ.

¹⁴عِ شَ سّرّشّدُبّ سٌسٍ سّنِيّنشِيٍ رَفٌرٌ عَ شَ دِيٍ قَن مَ،

¹⁵عِ قَ تُرٍ سّنِيّنشِ سَ عٍ مَ عَلْ عِ نَشَن نَبَشِ عٍ بَبَ رَ، عَلَكٌ عٍ قَن شَ قِندِ ﭑ مَ سّرّشّدُبّيٍ رَ. نَ وَلِ لُمَ عٍ يِ رَ، عَ نُن نَشٍيٍ قَمَ عٍ شَنبِ رَ عَبَدَن.»

¹⁶نَ تّمُي مُنسَ نَشَ عَلَتَلَ شَ يَامَرِ بِرِن نَبَ عَلْ عَ قَلَ عَ بّ كِ نَشّ.

¹⁷كٍلِقٍ عٍ مِنِ مِسِرَ بْشِ كُي تّمُي نَشّ، حّ قِرِن ندٍ، كِكٍ سِنفٍ، تّنفّ سِنفٍ لْشْي، عَ نَشَ هْرْ مْلِنفِرَ تِ.

¹⁸مُنسَ نَشَ هْرْ مْلِنفِرَ سَنبُنيِيٍ سَ، عَ عَ وُرِ بِرِن تِ،

¹⁹عَ قَ دُفِيٍ عِتَلَ هْرْ مْلِنفِرَ شُن مَ، عَ نُن عَ مَكٌتٌسٍيٍ عَلْ عَلَتَلَ عَ يَمَرِشِ كِ نَشّ.

²⁰مُنسَ نَشَ سَاتّ وَلَشّ قِرِنيِيٍ سَ سَاتّ كَنكِرَ كُي، عَ قَ كَنكِرَ وُرِيٍ رَ سٌ كَنكِرَ سُشُسٍ دِفِلِنشِيٍ كُي، عَ كَنكِرَ دّرَكٌتٍ سَ عَ دّ رَ نَشَن قِندِشِ شُنسَرٍ يِرٍ رَ.

²¹عَ تٌ فّ نَ رَبَدٍ، عَ نَشَ سَاتّ كَنكِرَ شَنِن هْرْ مْلِنفِرَ كُي، عَ عَ دْشْ يِرٍ سّنِيّنشِ قِسَمَنتٍ كُي. عَ نَشَ دُفِ فبَكُ نَ يَ رَ، عَلَكٌ مِشِ يٌ نَشَ عَ تٌ عَلْ عَلَتَلَ عَ يَمَرِشِ كِ نَشّ.

²²عَ نَشَ هْرْ مْلِنفِرَ تٍيبِلِ دْشْ دُفِ يَ رَ عَ كْولَ مَبِرِ،

²³عَ قَ تَامِيٍ سَ عَ قَرِ عَ سَقّ كِ مَ عَلَتَلَ يَ شْرِ عَلْ عَلَتَلَ عَ يَمَرِشِ كِ نَشّ.

²⁴عَ نَشَ لَنثُي دْشْسٍ تِ هْرْ مْلِنفِرَ كُي تٍيبِلِ يَ رَ عَ يِرٍقَنيِ مَبِرِ،

²⁵عَ قَ لَنثُييٍ تِ نَ قَرِ عَلَتَلَ يَ شْرِ عَلْ عَلَتَلَ عَ يَمَرِشِ كِ نَشّ.

²⁶عَ نَشَ سُرَيِ سّرّشّبَدٍ دْشْ هْرْ مْلِنفِرَ كُي دُفِ فبَكُشِ عَ يَ رَ،

²⁷عَ قَ سُرَيِ فَن مّننِ عَلْ عَلَتَلَ عَ يَمَرِشِ كِ نَشّ.

²⁸عَ نَشَ دُفِ فبَكُ هْرْ مْلِنفِرَ سٌدٍ دّ رَ.

²⁹عَ نَشَ سّرّشّبَدٍ دْشْ هْرْ مْلِنفِرَ سٌدٍ دّ رَ. عَ نَشَ سّرّشّ فَن دَاشِ بَ مّننِ نُن هَدِيَ عَلْ عَلَتَلَ عَ يَمَرِشِ كِ نَشّ.

³⁰عَ نَشَ يٍ سَسٍ شُنفبٍ دْشْ هْرْ مْلِنفِرَ نُن سّرّشّبَدٍ تَفِ، عَ يٍ سَ عَ كُي مَرَ سّنِيّنيِ شَ قٍ رَ.

³¹مُنسَ، هَرُنَ، نُن هَرُنَ شَ دِيٍ نُ لُمَ عٍ بّلّشّيٍ نُن عٍ سَنيِيٍ مَشَ رَ نَا،

³²عٍ سٌمَ هْرْ مْلِنفِرَ كُي تّمُي نَشّ، عَ نُن عٍ سّرّشّ بَمَ تّمُي نَشّ عَلْ عَلَتَلَ مُنسَ يَمَرِشِ كِ نَشّ.

³³مُنسَ نَشَ تّتّ رَبِلِن هْرْ مْلِنفِرَ نُن سّرّشّبَدٍ رَ، عَ قَ دُفِ فبَكُ تّتّ سٌدٍ دّ رَ.