يٌسُوٍ 21:3-12

³نَ كُي عِسِرَيِلَكَيٍ نَشَ يِ تَايٍ نُن يِ قِيلِيٍ قِ لٍوِ بْنسْي مَ، عٍ شَ قِندِ عٍ كّ رَ عَلْ عَلَتَلَ عَ يَمَرِ كِ نَشّ.

⁴كٍهَتِ شَبِلّ فبٍ نَن يَ؛ سّرّشّدُبّ هَرُنَ شَ دِيٍ نَشَ تَا قُ نُن سَشَن سْتْ يُدَ بْنسْي شَ تَايٍ يَ مَ، سِمٍيْن بْنسْي فبٍيٍ يَ مَ، نُن بُنيَمِن بْنسْي فبٍيٍ يَ مَ.

⁵كٍهَتِ شَبِلّ، نَشٍيٍ نُ لُشِ، نٍيٍ نَشَ تَا قُ سْتْ عٍقِرَ مِ بْنسْي فبٍيٍ يَ مَ، دَنَ بْنسْي فبٍيٍ يَ مَ، نُن مَنَسِ بْنسْي سّيتِ بٌورٍ فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.

⁶فٍرِ سٌن شَ دِيٍ نَشَ تَا قُ نُن سَشَن سْتْ عِسَكَرِ بْنسْي فبٍيٍ يَ مَ، عَسٍرِ بْنسْي فبٍيٍ يَ مَ، نَقَتَلِ بْنسْي فبٍيٍ يَ مَ، عَ نُن مَنَسِ بْنسْي سّيتِ سِنفٍ نَشَن نَ بَسَن بْشِ مَ، نَ فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.

⁷مٍرَرِ شَ دِيٍ نَشَ تَا قُ نُن قِرِن سْتْ عٍ شَبِلّ كِ مَ رُبٍن بْنسْي فبٍيٍ يَ مَ، فَدِ بْنسْي فبٍيٍ يَ مَ، نُن سَبُلٌن بْنسْي فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.

⁸نَ كُي عِسِرَيِلَكَيٍ نَشَ يِ تَايٍ نُن عٍ قِيلِيٍ قِ لٍوِ بْنسْي مَ عَلْ عَلَتَلَ عَ يَمَرِ كِ نَشّ عَننَبِ مُنسَ سَابُي رَ.

⁹تَا نَشٍيٍ قِشِ عٍ مَ يُدَ نُن سِمٍيْن بْنسْي يَ مَ، نٍيٍ نَن يَ.

¹⁰هَرُنَ شَ دِيٍ فبٍ، نَشٍيٍ كٍلِ كٍهَتِ شَبِلّ، نٍيٍ نَشَ يِ تَايٍ سْتْ عَلَ شَ مَرَفِرِ سَابُي رَ سُفَندِ سِنفٍ كُي؛

¹¹كِرِيَتِ عَرَبَ، نَشَن قِندِ شٍبِرٌن نَ، عَ نُن قِيلِ نَشٍيٍ نَ يُدَيَ فٍيَ بْشِ رَبِلِنيِ مَ. عَرَبَ قِندِ عَنَكِيٍ بٍنبَ نَن نَ.

¹²دَاشَيٍ نُن تَا شُنشُرِ نَشٍيٍ نَ تَا قَرِ مَ نٍيٍ قِندِ يٍقُنٍ شَ دِ كَلٍبِ فبٍيٍ نَن نَ.