عِسِرَيِلَ مَنفّيٍ ٢ 11:7-16

⁷سّيتِ بٌورٍ قِرِنيِ، نَشٍيٍ مُ وَلِمَ مَلَبُي لْشْي، نٍيٍ تَن شَ عَلَتَلَ شَ هْرْ مْبَنشِ مَكَنتَ عَ قَنيِ رَ مَنفّ نْشُنشِ دّننَشّ.

⁸وٌ مَنفّ رَبِلِنمَ نّ، فٍرٍ سٌسٍيٍ رَ وٌ يِ. مِشِ يٌ عَ مَسٌ وٌ رَ، وٌ عَ قَشَ. وٌ شَ لُ مَنفّ قّ مَ، عَ نَ سِفَ دّدّ.»

⁹سْورِ شُنيِ نَشٍيٍ تِشِ سْورِ كّمّ شُن نَ، عٍ نَشَ سّرّشّدُبّ يٍهٌيَدَ شَ يَامَرِيٍ رَبَتُ، عَلْ عَ عَ قَلَشِ كِ نَشّ. كَنكَن نَشَ عَ شَ سْورِ مِشِ كّمّ دّنتّفّ يٍهٌيَدَ بّ، نَشٍيٍ نُ وَلِمَ مَلَبُي لْشْي، نُن نَشٍيٍ مُ نُ وَلِمَ نَ لْشْي.

¹⁰سّرّشّدُبّ نَشَ مَنفّ دَوُدَ شَ تَنبّيٍ نُن كَنكٍ مَكَنتَسٍيٍ سٌ سْورِ شُنيِيٍ يِ رَ، نَشٍيٍ نُ رَفَتَشِ عَلَتَلَ شَ هْرْ مْبَنشِ كُي.

¹¹مَنفّ مَكَنتّيٍ نَشَ فٍرٍ سٌسٍيٍ تٌنفٌ، عٍ نَشَ تِ كٍلِقٍ عَلَتَلَ شَ هْرْ مْبَنشِ يِرٍقَنيِ مَ هَن عَ كْولَ مَ، سّرّشّبَدٍ نُن بَنشِ قّ مَ، عَلَكٌ عٍ شَ مَنفّ مَكَنتَ.

¹²عٍ تٌ تِ نَا، يٍهٌيَدَ نَشَ مَنفّ شَ دِ رَ مِنِ، عَ مَنفّ تْنشُمَ دُ سُ عَ شُن نَ، عَ مُنيَاتِ سٌ عَ يِ رَ. عَ نَشَ تُرٍ سّنِيّنشِ سُرُ سُرُ عَ شُنيِ، عَ عَ تِ مَنفّ رَ. حَمَ نَشَ عٍ بّلّشّيٍ بْنبْ، عٍ نُ عَ قَلَ عٍ شُي عِتٍشِ رَ، «كِسِ نَ مَنفّ بّ!»

¹³عَتَلَيَ تٌ مَنفّ مَكَنتّيٍ نُن حَمَ شُي مّ، عَ نَشَ سِفَ عٍ يِرٍ عَلَتَلَ شَ هْرْ مْبَنشِ.

¹⁴عَ نَشَ عَ تٌ، مَنفّ تِشِ هْرْ مْبَنشِ كِنكِ قّ مَ، عَلْ مَنفّيٍ دَرِشِ عَ رَ كِ نَشّ. مَنفّ مَكَنتّيٍ تِشِ مَنفّ قّ مَ، عٍ سَرَيٍ قٍمَ. حَمَ بِرِن نُ سّيوَشِ، عٍ سَرَيٍ شُي رَ مِنِمَ. عَتَلَيَ نَشَ عَ شَ سٌسٍيٍ عِبْو عَ يّتّ مَ سُننُنيِ كُي، عَ فبٍلٍفبٍلٍ، «يَنقَنتٍيَ! يَنقَنتٍيَ!»

¹⁵نَ كُي سّرّشّدُبّ يٍهٌيَدَ نَشَ سْورِ كّمّ شُنيِيٍ يَمَرِ، «وٌ عَ رَ مِنِ هْرْ مْبَنشِ قَرِ مَ سْورِيٍ يِرٍ. مِشِ يٌ نَ وَ عَ مَلِقٍ، وٌ نَ كَنيِ قَشَ سَنتِدّفّمَ رَ.» سّرّشّدُبّ مُ نُ وَ مَ عَ شَ قَشَ عَلَتَلَ شَ هْرْ مْبَنشِ كُي.

¹⁶سْورِيٍ نَشَ عَ سُشُ، عٍ عَ شَنِن مَنفّ شَ بَنشِ كُي كِرَ رَ سٌييٍ سٌمَ دّننَشّ رَ، عٍ عَ قَشَ مّننِ نّ.