تَرُشُي 8:1-24

¹نَ لْشْي، حَشَنكَتّ شُنفبٍ نَشَ دَرِ سَلَمُ دَنشَنِيَتْي حَمَ سُشُ. عٍ بِرِن نَشَ يٍنسٍن سَمَرِ نُن يُدَيَ بْشِ مَ قٌ شّيرَيٍ، نٍيٍ نَن فبَنسَن لُ نَا.

²شّمّ تِنشِنشِيٍ نَشَ عٍتِيّن نَفَتَ. عٍ نَشَ وَ عَ شَ قَشّ مَ.

³كْنْ سْلُ تَن نَشَ دَنشَنِيَتْي حَمَ تْورْ. عَ نُ سٌمَ بَنشِيٍ كُي، عَ نُ دَنشَنِيَتْي شّمّيٍ نُن فِنّيٍ رَ مِنِ، عَ نُ قَ عٍ سَ فٍيلِ.

⁴دَنشَنِيَتْي تٌ يٍنسٍن يّ، عٍ نَشَ شِبَارُ قَنيِ كَوَندِ تِ يِرٍ بِرِن.

⁵قِلِثُ تٌ فٌرٌ سَمَرِ تَا ندٍ كُي، عَ نَشَ عَلَ شَ مِشِ سُفَندِشِ شَ قٍ مَسٍن نَاكَيٍ بّ.

⁶حَمَ تٌ قِلِثُ شَ كَابَنَكٌييٍ تٌ، عٍ نَشَ عٍ تُلِ مَتِ عَ رَ عَ قَنيِ رَ.

⁷حِننّيٍ نَشَ فبِلٍن قُرٍ مَيٍ قْشْ رَ، عٍ نُ قَ فبٍلٍفبٍلٍ. مَبّنيِ نُن نَمَتّ وُيَشِ نَشَ يَلَن.

⁸نَاكَيٍ نَشَ سّيوَ عَ قَنيِ رَ.

⁹شّمّ ندٍ نُ نَ نَ تَا كُي نَشَن شِلِ سِمْن. عَ نُ دُورٍيَ رَبَمَ نَشَن سَمَرِكَيٍ بِرِن نَكَابَمَ، عَ نُ قَ عَ يّتّ عِفبٌ.

¹⁰عٍ بِرِن، دِ مّدِيٍ نُن قٌرِيٍ، عَ شُي رَ مّشِ عَ قَنيِ رَ. عٍ نُ عَ قَلَ، «يِ شّمّ عَلَ سّنبّ نَ عَ رَ، وٌن نَشَن شِلِ قَلَمَ سّنبّ شُنفبٍ.»

¹¹عٍ نُ بَرَ بِرَ عَ قْشْ رَ كَبِ عَ شْننَكُيٍ بَرِ مَ عَ نُ عٍ رَكَابَمَ عَ شَ دُورٍيَ رَ.

¹²كْنْ عٍ تٌ لَ قِلِثُ رَ، نَشَن عَلَ شَ مَنفّيَ نِينِ نُن عِسَ عَلَ شَ مِشِ سُفَندِشِ شَ شِبَارُ قَنيِ كَوَندِ رَبَمَ، شّمّيٍ نُن فِنّيٍ نَشَ عٍ شُنشَ يٍ شْورَ.

¹³سِمْن يَتِ نَشَ دَنشَنِيَ، عَ قَن نَشَ عَ شُنشَ يٍ شْورَ. عَ نَشَ بِرَ قِلِثُ قْشْ رَ. عَ نَشَ كَابَ عَ شَ تْنشُمَيٍ نُن كَابَنَكٌ شُنفبٍيٍ مَ.

¹⁴شّيرَيٍ، نَشٍيٍ نُ نَ دَرِ سَلَمُ، عٍ تٌ عَ مّ سَمَرِكَيٍ بَرَ تِن عَلَ شَ مَسٍنيِ رَ، عٍ نَشَ ثِيّرِ نُن يَيَ شّي نَا.

¹⁵عٍ تٌ سٌ نَا، عٍ نَشَ عَلَ مَشَندِ عَلَكٌ سَمَرِكَيٍ شَ عَلَ شَشِلِ سّنِيّنشِ سْتْ،

¹⁶بَرِ مَ عَلَ شَشِلِ سّنِيّنشِ مُ نُ فٌرٌشِ مِشِ يٌ مَ عٍ يَ مَ سِندٍن. عٍ نُ شُنشَشِ يٍ نَن فبَنسَن شْورَ عِسَ شِلِ شَ قٍ رَ.

¹⁷عَوَ، ثِيّرِ نُن يَيَ نَشَ عٍ بّلّشّ سَ عٍ مَ، عٍ نَشَ عَلَ شَشِلِ سّنِيّنشِ سْتْ.

¹⁸سِمْن تٌ عَ تٌ عَلَ شَشِلِ سّنِيّنشِ نُ سْتْمَ شّيرَيٍ بّلّشّيٍ نَن سَابُي رَ، عَ نَشَ كْبِرِ مَسٍن عٍ بّ، عَ قَ عَ قَلَ،

¹⁹«وٌ يِ سّنبّ قِ ﭑ قَن مَ، عَلَكٌ ﭑ نَ ﭑ بّلّشّيٍ سَ نَشَن مَ، عَ شَ عَلَ شَشِلِ سّنِيّنشِ سْتْ.»

²⁰ثِيّرِ نَشَ عَ يَابِ، «عِ تَن نُن عِ شَ كْبِرِ شُن شَ رَكَنَ، بَرِ مَ عِ عَ مَحْشُنشِ نّ عَلَ شَ كِ سْتْمَ كْبِرِ نَن نَ.

²¹عِ فبٍ يٌ مُ نَ يِ قٍ يَ مَ، بَرِ مَ عِ سٌندٌنيِ مُ قِيشّشِ عَلَ بّ.

²²فبِلٍن يِ قٍ حَاشِ قْشْ رَ. عِ مَن شَ مَرِفِ مَشَندِ عَلَكٌ عَ شَ دِحّ عِ مَ عِ شَ يِ مَحْشُنيِ شَ قٍ رَ، شَ عَ سَ تِنمَ.

²³ﭑ عَ تٌشِ نّ يِ كِ، عِ نَ قٍ حَاشِ فبٍفبٍ كُي. عِ بَرَ قِندِ سٍنتَنّ شَ كٌنيِ رَ.»

²⁴سِمْن نَشَ عَ يَابِ، «وٌ يّتّ شَ مَرِفِ مَشَندِ ﭑ بّ عَلَكٌ وٌ قٍ نَشٍيٍ بِرِن قَلَشِ عَ نَشَ ﭑ لِ.»