تَرُشُي 2:8-38

⁸وٌن قَ وٌن بَرِ شُي مّقٍ عٍ رَ دِ؟

⁹ثَرَتٌكَيٍ، مٍدٍكَيٍ، عٍلَمَكَيٍ، نَشٍيٍ سَبَتِشِ مٍسٌثٌتَمِيَ، يُدَيَ، كَثَدٌ سٍ، ثٌنتُ، عَسِ،

¹⁰قِرِفِيَ، ثَنقِلِيَ، مِسِرَ، لِبِيَ، سِرٍنِ بْشِ قّ مَ، عَ نُن نَشٍيٍ كٍلِ رْ مَ، يُوِقِيٍ عَ نُن مِشِ نَشٍيٍ سٌشِ عٍ شَ دِينّ يَ مَ، كِرّتِكَيٍ عَ نُن عَرَبُيٍ،

¹¹وٌن بِرِن نَ عٍ شُي مّقٍ وٌن بَرِ شُي يَتِ نَن نَ. عٍ نَ عَلَ شَ كَابَنَكٌ قٍيٍ قَلَقٍ وٌن مَ شُييٍ. نَ رَبَشِ دِ؟»

¹²عٍ بِرِن دّ نَشَ عِشَرَ، عٍ نَشَ عِقُ. عٍ نُ عَ قَلَ عٍ بٌرٍ بّ، «مُنقٍ يِ كِ؟»

¹³كْنْ ندٍيٍ نَشَ عٍ مَيٍلٍ، عٍ نُ قَ عَ قَلَ، «عٍ سِيسِشِ نّ يِ كِ.»

¹⁴نَ شَنبِ ثِيّرِ نُن يِ شّيرَ قُ نُن كٍرٍنيِيٍ نَشَ كٍلِ. ثِيّرِ نَشَ عَ مَسٍن حَمَ بّ عَ شُي عِتٍشِ رَ، «يُوِقِيٍ، عَ نُن وٌ تَن نَشَن بِرِن نَ دَرِ سَلَمُ، وٌ شَ وٌ تُلِ مَتِ ﭑ نَ. وٌ شَ عَ كٌلٌن،

¹⁵يِ مِشِيٍ مُ سِيسِشِ شّ دٍ عَلْ وٌ عَ مَحْشُنشِ كِ نَشّ، بَرِ مَ فّيسّفّ نَ عَ رَ يِ كِ.»

¹⁶«عَننَبِ يٌوٍلِ يِ مَسٍنيِ نَن تِ.

¹⁷‹عَلَ نَشّ، ﭑ قَمَ ﭑ شَشِلِ تَشُندٍ مِشِ بِرِن نَ لْشْي دْنشْييٍ. وٌ شَ دِ شّمّيٍ نُن وٌ شَ دِ فِنّيٍ وْيّنمَ نّ ﭑ تَن عَلَ شِلِ رَ. وٌ شَ سّفّتَلَيٍ تٌ تِمَ نّ قٍيٍ رَ، وٌ شَ قٌرِيٍ قَن شِيٍيٍ سَ.

¹⁸نَ وَشَتِ، ﭑ قَمَ ﭑ شَشِلِ رَفٌرٌدٍ ﭑ مَ كٌنيِ شّمّيٍ نُن ﭑ مَ كٌنيِ فِنّيٍ مَ. عٍ وْيّنمَ نّ ﭑ تَن عَلَ شِلِ رَ.

¹⁹ﭑ كَابَنَكٌييٍ رَبَمَ نّ كٌورٍ مَ، ﭑ تْنشُمَيٍ مَسٍنمَ نّ بْشِ قَرِ، نَشٍيٍ قِندِ مَ وُلِ، تّ، نُن تُورِ رَ.

²⁰سٌفٍ دِ مِمَ نّ، كِكٍ فبٍيلِمَ نّ عَلْ وُلِ بٍينُن مَرِفِ شَ لْشْي شَ عَ لِ، نَ دَرِيّ لْشْي شُنفبٍ.

²¹مِشِ يٌ نَشَن مَرِفِ شِلِ مَشَندِ مَ، نَ كَنيِ كِسِمَ نّ.›»

²²«عِسِرَيِلَكَيٍ، وٌ وٌ تُلِ مَتِ يِ مَسٍنيِ رَ. عِسَ نَسَرّتِكَ عَلَ شَ مِشِ سُفَندِشِ نَن نُ عَ رَ. عَلَ نَشَ نَ مَسٍن كَابَنَكٌييٍ، قٍ مَفَاشُشِيٍ، نُن تْنشُمَيٍ رَ، عِسَ نَشَن نَبَشِ وٌ تَفِ. وٌ بِرِن نَ قٍيٍ كٌلٌن.

²³عَلَ بَرَ عَ رَفِرِ كَاقِرِيٍ شَ كَقُ وٌ مَ، عَلَكٌ وٌ شَ يِ شّمّ قَشَ، وٌ عَ بَنبَن وُرِ مَفَلَنبُشِ مَ، عَلْ عَلَ نُ عَ حَنِفٍشِ كِ نَشّ.

²⁴كْنْ نَ شَنبِ، عَلَ بَرَ عَ رَكٍلِ، عَ قَشّ لُوتِ بَ عَ مَ، بَرِ مَ قَشّ مُ نُ نْمَ كَنكَندٍ عَ مَ.»

²⁵«دَوُدَ نُ عِسَ شَ قٍ نَن قَلَقٍ يِ مَسٍنيِ رَ. ‹ﭑ مَرِفِ تٌمَ تّمُي بِرِن ﭑ يَ عِ. عَ تٌ نَ ﭑ سّيتِ مَ، ﭑ مُ نْمَ بِرَدٍ.

²⁶نَ نَن عَ تٌشِ ﭑ بْحّ نَ سّيوّ كُي، ﭑ دّ قَن عَ شَ قٍ مَسٍنمَ حّلّشِنيِ رَ. ﭑ قَتٍ قَن مَلَبُمَ نّ بْحّسَ كُي،

²⁷بَرِ مَ عِ مُ ﭑ نِي بّحِنمَ عَلِفِيَمَ، عِ مُ عِ شَ سّنِيّنتْي لُمَ فَبُرِ كُي، عَ شَ بْرْ.

²⁸عِ بَرَ عَ نِيَ ﭑ شَ كِسِ كِرَ كٌلٌن. عِ سّيوّ قِمَ نّ ﭑ مَ عِ يِرٍ.›»

²⁹ثِيّرِ مَن نَشَ عَ قَلَ، «ﭑ نفَشَكٍرٍنيِيٍ، وٌ عَ لُ ﭑ شَ وٌن بٍنبَ دَوُدَ شَ قٍ قَلَ وٌ بّ. عَ قَشَ نّ، عَ نَشَ رَفَتَ، عَ شَ فَبُرِ مَن نَ وٌن تَفِ بٍ هَن تٌ.

³⁰نَمِحْنمّ تٌ نُ عَ رَ، عَ نُ عَ كٌلٌن عَلَ بَرَ لَايِدِ تٌنفٌ عَ بّ. عَلَ نَشَ عَ كَلِ عَ دَوُدَ شَ مَمَدِ ندٍ دْشْمَ نّ عَ شَ مَنفّ كِبَنيِ.

³¹نَ كُي، دَوُدَ نُ عَ كٌلٌن عَلَ شَ مِشِ سُفَندِشِ قَمَ نّ كٍلِدٍ قَشّ مَ. عَلَ مُ نّيمُمَ عَ مَ عَلِفِيَمَ، عَ قَتٍ مُ بْرْ مَ فَبُرِ كُي.

³²عَلَ نَن عِسَ رَكٍلِشِ قَشّ مَ. وٌن بِرِن قِندِشِ سٍيدٍ رَ نَ قٍ مَ.

³³عَ تٌ رَتٍ عَلَ يِرٍقَنيِ مَ، عَ نَشَ عَلَ شَشِلِ سّنِيّنشِ سْتْ بَبَ عَلَ رَ، عَلْ عَلَ لَايِدِ تٌنفٌشِ كِ نَشّ. عَ مَن بَرَ عَلَ شَشِلِ سّنِيّنشِ رَفٌرٌ وٌن مَ. وٌ نَ نَن تٌقٍ، وٌ نَ نَن مّقٍ يِ كِ.»

³⁴«دَوُدَ مُ تٍشِ كٌورٍ مَ، كْنْ عَ تَن نَن عَ قَلَ، ‹مَرِفِ نَشَ عَ قَلَ ﭑ مَرِفِ بّ، دْشْ ﭑ يِرٍقَنيِ مَ،

³⁵هَن ﭑ شَ عِ سَنيِ تِ عِ يَشُييٍ قَرِ.›»

³⁶«نَ كُي، عِسِرَيِلَكَ بِرِن شَ لَ عَ رَ، عَلَ بَرَ عِسَ قِندِ مَرِفِ رَ، نُن عَ شَ مِشِ سُفَندِشِ رَ. كْنْ وٌ بَرَ عَ بَنبَن وُرِ مَفَلَنبُشِ مَ.»

³⁷يِ مَسٍنيِ نَشَ حَمَ بْحّ تْورْ كِ قَنيِ رَ. عٍ نَشَ عَ قَلَ ثِيّرِ نُن شّيرَ بٌورٍيٍ بّ، «ﭑ نفَشَكٍرٍنيِيٍ، عَ لَنمَ مُشُ شَ مُنسٍ رَبَ قَ؟»

³⁸ثِيّرِ نَشَ عَ قَلَ عٍ بّ، «وٌ شَ تُوبِ، وٌ بِرِن شَ وٌ شُنشَ يٍ شْورَ عِسَ شِلِ رَ، عَلَ شَ مِشِ سُفَندِشِ، عَلَكٌ وٌ شَ يُنُبِيٍ شَ شَقَرِ، وٌ مَن شَ عَلَ شَشِلِ سّنِيّنشِ سْتْ.