1Gbɛ̃ kũ à utɛna Luda Musude ↄĩ nigↄ̃ kú Gbãnasĩndapinkide uraai.
2Ani pi Dikirimɛ a zɛki gbãna ũ, a Ludamɛ a utɛki ũ, á a náani vĩ.
3Àkũ mɛ́ ani n sí kariia, ani n sura ba kũ gagagyão.
4Ani n sↄtↄ a pↄtɛn, ĩnigↄ̃ utɛna a orun, a náanikɛna mɛ́ ani n dãkpã lán sɛ̃gbako bà.
5Gwãani karinↄ kũ fãnantɛ̃ kà vĩnlanↄ ń ke vĩna ni n kũro,
6ke gagagyã kũ àdigↄ̃ tɛ́ gusiran ke gyãgɛ̃wɛ̃tɛ kũ àdi ń le fãnantɛ̃ gbãna.
7Bee tó gbɛ̃nↄn wàa sↄↄro tɛn lɛ́tɛ n sarɛ, ke gbɛ̃nↄn dúbu kuri tɛn ga n ↄplai, pↄ́ke ni n lero.
8Ĩni wɛ́ sɛ́ ǹ gwa, ĩni e lákũ òdi wɛ́ tã yãvãnikɛrinↄa nà.
9Tó n Luda Musude kɛ̀ n utɛki ũ, tó n Dikiri kɛ̀ n kúki ũ,
10yã vãni ke ni n lero, kisira ni gɛ̃ n ↄnnlo.
11Zaakũ ani n yã o a malaikanↄnɛ, de ò n dãkpã gu kũ ntɛn gɛ́n pínki.
ZABURA 91
ZABURA 91:1-11