Y Salmo Sija 91:1-11

¹YA y sumasaga gui umatog na sagayan y Gueftaquilo, güiya usaga gui papa y anineng y Todojajanasiña.

²Bae jusangan as Jeova, güiya y umamparayo yan y castiyujo: Yuusso, iya güiya nae juangocoyo.

³Sa güiya unninalibre guinin y lason y tiradot, yan guinin y yinilang peste.

⁴Güiya untinampe ni y piluña, yan y papa y papaña nae unangoco jao: y minagajetña uguinogüemo yan upatangmo.

⁵Jago ti unmaañao ni y minamaañao y puenge; ni y flecha ni mangugupo gui jaane;

⁶Ni pot y peste ni manmamomocat gui jalom jomjom; ni pot y yinilang ni y lumachae y taloane.

⁷Y mit ufanbasnag gui oriyamo, yan y dies mit gui agapa na canaemo: lao ti siña mato jijot guiya jago.

⁸Sa y atadogmoja umatan, yan lumie y apas y manaelaye.

⁹Jagoja, O Jeova, y umamparayo! Sa jagasja unfatinas y Gueftaquilo na sagamo.

¹⁰Taya taelaye ufato guiya jago, ni jafa na chetnot ujijot gui sagamo.

¹¹Sa jaencatga y angjetña sija nu jago, para uninadaje todo gui jinanaomo.