A Umana Kakailai 91:1-11

¹Nina i bakitai ta ra Ngala Kakit Na ki vatikai ta ra malur i ra Dekdek Muka.

²Ina tatike tai ra Luluai dari: Kaugu rivarivan ma kaugu dekdek na pal na bakbakit, Kaugu God, nina ina nurnur tana.

³Tago ia iat na valangalanga u kan ra palai kai ra tena akir beo, Ma kan ra ngala na minait di mat i tana.

⁴Na roro taun u ma ra bebeana, Ma una rivarivan ta ra vavai na bebeana. Kana dovotina ia ra ramravit ma ra bakbakit.

⁵Pa una burut ure ra magit na bunurut ta ra marum, Ma pata bula ure ra pu i pururung ta ra keake;

⁶Ba ure ra ngala na minait nina i pa kinakinau ta ra bobotoi, Ba ure ra vinirua i vana rikai ba ra keake i ki tur.

⁷Ba ta arip na marmar diat a virua ta ra papar a mairam, Ma ta vinun na arip na marmar ta ra papar a limam tuna, Pa na maravai piram.

⁸Una gire ke ma ra matam, Ma una na ra vabongon kai ra umana tena varpiam.

⁹Tago u, Luluai, u kaugu rivarivan! U ga pilak pa ra Ngala Kakit upi una ki tana;

¹⁰Pa ta kaina magit na tadav u tana, Ma pa ta kaina minait na marave ra kubam.

¹¹Tago na tul tar kana umana angelo upi diat a balaure u ta kaum lavur vinavana.