ZABURA 86:4-16

⁴Ǹ makũ n zↄ̀bleri pↄ kɛ nna, zaakũ ma laakarii tà n kĩnaa, Dikiri.

⁵Ń mana akũsↄ̃ ń sùru vĩ, Dikiri, n gbɛ̃kɛ zↄ̃kↄ̃ n sìsirinↄnɛ.

⁶Dikiri, ǹ sã kpá ma wɛ́kɛnaai, ǹ laakari dↄ ma wɛ̃nda wikia.

⁷Mani n sísi ma warikɛgↄrↄ zĩ, zaakũ ndì wema.

⁸Tãna ke ni sí lɛkↄ̃a kũnworo, Dikiri, gbɛ̃ke dì fↄ̃ à n kɛna kɛro.

⁹Buri kũ n kɛ̀nↄ ni su ò kútɛnnɛ, ò n tↄ́ bo ń pínki.

¹⁰Zaakũ ń zↄ̃kↄ̃ akũsↄ̃ ndì daboyãnↄ kɛ, mↄkↄ̃mmɛ Luda ũ ndo.

¹¹Ǹ n zɛ́ mↄmɛnɛ, Dikiri, manigↄ̃ táa o n yãpura gũn, ǹ ma laasun kɛmɛnɛ do, de màgↄ̃ n vĩna vĩ.

¹²Mani n sáabu kpá kũ nɛ̀sɛdoo, Dikiri ma Luda, manigↄ̃ n tↄ́ bo gↄrↄ sĩnda pínki.

¹³Zaakũ gbɛ̃kɛ kũ n kɛ̀mɛnɛ zↄ̃kↄ̃, n ma wɛ̃̀ndii sì gyãwãn lↄ̀n.

¹⁴Luda, karambaanidenↄ tɛn futɛmai, gbɛ̃ pãsĩnↄ tɛni ma wɛ, òdi n yã daro.

¹⁵Mↄkↄ̃n Dikiri, Luda wɛ̃ndadↄ̃nnɛrimɛ n ũ, ń sùru vĩ akũsↄ̃ n pↄ dì fɛ̃ likalikaro, n gbɛ̃kɛ kũ n náanio zↄ̃kↄ̃.

¹⁶Ǹ arɛ dↄma ǹ ma wɛ̃nda gwa, ǹ n zↄ̀bleri gba gbãna, ǹ makũ n zↄ̀nↄkpare nɛ́ sura ba.