Yabura 86:4-16

⁴I xa sɛɛwɛ fi i xa konyi di ma, n xaxili tixi i tan nan na, n Marigi.

⁵I tan Marigi, i fan, i kinikini, i xa dugutɛgɛɲa gbo mixie bɛ naxee birin i xilima.

⁶Marigi, i xa i tuli mati n ma maxandi ra, i xa n ma dubɛ suxu.

⁷N i xilima n ma tɔɔrɛ kui, barima i n natinma.

⁸N Marigi, i maniyɛ mu na alae tagi, i xa kaabanakoee dangi wali birin na.

⁹I si naxee daa duniɲa ma, nee fama nɛ e xinbi sinde i bun ma, e i xili matɔxɔ,

¹⁰barima i gbo, i man kaabanakoe rabama. I tan keren peti na nan Ala ra.

¹¹N Marigi, i xa i xa kira masen n bɛ, n xa n ɲɛrɛ i xa nɔndi kui. Bɔɲɛ fanyi fi n ma, alako n xa gaaxu i xili ya ra.

¹²N i matɔxɔma n bɔɲɛ fiixɛ birin na, n Marigi Ala. N i xili matɔxɔma nɛ abadan,

¹³barima i xa hinnɛ tilin. I bara n nii ratanga faxɛ ma.

¹⁴Ee Ala, yɛtɛ igboe ndee bara keli n xili ma, gbalotɔɛe wama n faxafe. E mu i kolon feo.

¹⁵Kɔnɔ n Marigi, i tan nan findixi Ala ra, naxan kinikinima, naxan hinnɛma ibunadama ra, naxan bɔɲɛ mu tema mafuren, naxan mu taganma dugutɛgɛɲa nun xanunteya ma.

¹⁶I xa i ya rafindi n ma, i xa hinnɛ n na. I xa sɛnbɛ fi i xa konyi di ma, i xa i xa konyi ginɛ xa di rakisi.