ZABURA 62:3-9

³Gɛ̃̀n ũgban ánigↄ̃ futɛ gbɛ̃aa? Áni a nɛ lán gbĩ̀ kũ à ɛ̀ à kpán ke kara zĩ bàn yá?

⁴A gona a tía lɛ́n átɛn kpákũsũ, ɛ́kɛtona mɛ́ àdi kɛárɛ nna. Adì sa mana o gbɛ̃nɛ kũ lɛ́omɛ, akũ adì ń ká á swɛ̃̀ɛ gũn.

⁵Luda ado mɛ́ à tò ma laakari kpátɛna, zaakũ àkũmɛ ma wɛ́ dↄi.

⁶Àkũmɛ ma gbɛ̀si ũ ma surabari ũ, madì gbãna lea, mani yĩgã zikiro.

⁷Ma aafia kũ ma bɛ̀ɛrɛɛo dì bo a kĩnaamɛ, àkũmɛ ma gbɛ̀si gbãna ũ, ma utɛki ũ.

⁸Gbɛ̃nↄ, àgↄ̃ a náani vĩ gↄrↄ sĩnda pínki, à á swɛ̃̀ wɛ̃nɛ, àkũmɛ ó utɛki ũ.

⁹Talakanↄn de lán lɛ́'ĩa bàmɛ, gbãnadenↄn kú pↄ́ke lɛ́iro. Tó ò ń yↄ̃ kilooa, ń pínki nigↄ̃ de fáuunle.