La Bu 62:3-9

³Mi khatseh douding melma tamtah ahiuvin- abon un keima eithat gouve. Amaho ding hin keima hi bang chimsa le tho kigen achimsa tobang ka hi bouve.

⁴Amahon munsang a kon a sotlhah di eigouve. Ka chung chang a jouthu sei athanom un ahi. Amahon kamasanga eipahhao vin alungsung uvah eigaosap un ahi.

⁵Keiman ka hina jouse pum in Pathen angsung a thipbehchan ka ngah e, ajeh chu ama a hin ka kinepna aumjing e.

⁶Ama bou hi ka sochatna leh ka kulpi chuleh ka songpi ahin keima sotlinghoi ka hi tahlou ding ahitai.

⁷Ka galjona leh ka minphatna Pathen a kon jeng bou ahi. Ama hi ka kiselna le ka songpi ahin, ka melma hon eihin maiphah lou diu

⁸O ka mite phat tinin Ama boutahsan jingin na lungthim a napohgih ama chuga sung lhan, ajehchu Ama hi ikiselna u ahi.

⁹Milham ho hi hainahu khat hui bapa phachom lou ahibou uve, chulemithahat ho jong lima amelsoutoh akibang deh pouve. Amahokhulepton lang velechun hainahu khatsanga jong jangjo ahibou uve.