ZABURA 59:3-8

³Ǹ gwa, òtɛni ma kpákpa, gbɛ̃ pãsĩnↄ tɛn fìti kɛ kũmao. Dikiri, mádi taari ke durunna kɛńnɛro,

⁴mádi zãńnɛ yãkearo, akũ ò kú kũ soruo ò nakarama. Ǹ ma wɛ̃nda gwa ǹ futɛ ǹ mↄ́ ǹ kpámai!

⁵Mↄkↄ̃n Dikiri Luda Zĩ̀karide, Isarailanↄ Luda, ǹ futɛ ǹ wɛ́ tã buri kũ̀nↄa ń pínki. Ǹsun bonkpɛde vãni kũ̀nↄ wɛ̃nda gwaro.

⁶Òdi ɛra ò su ↄkↄsi dↄ, òdi likara zↄ̃ wɛ̃tɛn, òdi hũ̀u kɛma lán gbɛ̃nↄ bà.

⁷Ǹ gwa, ń lɛ́'i tɛn tↄ, fɛ̃nɛ kpá ń lɛ́n, òdi pi gbɛ̃ke tɛni ń maro.

⁸Mↄkↄ̃n sↄ̃ Dikiri, ndì ń yáa dↄ, ndì buri pìnↄ lalandi kɛ ń pínki.