ZABURA 50:12-23

¹²Tó nà tɛni ma dɛ, mani oárɛro, zaakũ makũmɛ má andunia vĩ kũ pↄ́ kũ ò kunnↄ pínki.

¹³Madì zùsa nↄ̀bↄ són yá? Madì blèkofĩnii aru min yá?

¹⁴À sa oma kɛnnakũkↄ̃o pↄ́ ũ, à lɛ́ kũ a gbɛ̃̀ makũ Luda Musudea fĩna bo.

¹⁵À ma sísi warikɛgↄrↄa, mani á bo, áni bɛ̀ɛrɛ límɛnɛ.

¹⁶Akũ Luda pì yãvãnikɛrinↄnɛ: À kɛ̀ dera átɛni ma yãditɛnanↄ dↄdↄↄ? Bↄ́yãi ma bàka kunna kũńwo yã da á lɛ́nn?

¹⁷Á ye ma yãdannɛnaairo, a ma yãnↄ kpà kpɛ.

¹⁸Tó a kpãni è, adì a kɛ á gbɛ̃nna ũmɛ, á bàkaa dìgↄ̃ kú kũ zinakɛrinↄ.

¹⁹Á lɛ́gbɛɛ vãni, adì lɛ́nna kɛńnɛ.

²⁰Adìgↄ̃ á gbɛ̃ndo pi, adì á da nɛ́ ɛ́kɛ bo.

²¹A yã birenↄ kɛ̀, akũ má yĩtɛna. Átɛn da má de lán á bàmɛ, ama mani kpãkɛ̃ái mà á dà bobo.

²²Ákↄ̃nↄ kũ ma yã sã̀águnↄ, à yã pì ma. Tó lɛn sↄ̃ro, mani á kɛ yákiyaki, gbɛ̃ke ni fↄ̃ à á símaro.

²³Gbɛ̃ kũ à kɛnnakũkↄ̃o sa òma zↄ̃kↄ̃kɛ dↄ̃̀mɛnɛ, àtɛni ma gba zɛ́ mà mↄárɛ lákũ madì gbɛ̃nↄ sura ba nà.