Kölfel 50:12-23

¹²Ika üpwe echik, üsap ürenikemi, pun fanüfan me masouan meinisin ai.

¹³Ifa usun, üa ochei fituken ekewe ätemwänin kow, ika ünümi chan ekewe kuuch?

¹⁴Ämi kilisou epwe ina ämi asor ngeni Kot. Oupwe apwönüetä ämi kewe pwon oua eäni ngeni Ewe mi Unusen Manaman.

¹⁵Oupwe köriei lon ränin ämi riaföü, pun ngang üpwe angasakemi, nge ämi oupwe mwareitiei.”

¹⁶Nge Kot a apasa ngeni ewe aramasangau, “Pwota ka tongeni leaweni ai kewe allük ika kapasen ai we pwon?

¹⁷Pun ka oput ai amirituk o pöütala ai kewe kapas.

¹⁸Are ka küna eman chon solä, ka chiechi ngeni, ka pwal nom ren ekewe chon lisowu.

¹⁹Ka chök akapasa kapasingau, nge kosap aposa awom seni kapasen atuputup.

²⁰Ka chök tipitipimwäl ngeni pwiüm o aitengaua püsin nöün inom.

²¹Ekei mettoch en ka föri, nge ngang üa fanafanala. Ka ekieki pwe ngang usun chök en. Nge iei üpwe apwünguk o atipisuk.

²²Oupwe ekieki usun ei, ämi mi manlükieila. Nge are ousap, üpwe arosakemiila, nge esap wor eman epwe amanauakemi.

²³Eman mi kilisou ngeniei ina an asor ngeniei. Ren ei a asamoluei, nge eman mi aleasochisiei üpwe fokun amanaua.”