Yohanese 5:40-47

⁴⁰po imi suka luake loko Au mo leke imi supu rue kai Alla eti pela mo.

⁴¹Au nikwa tamata esi holmate Au mo.

⁴²Po imire lupe Au mo. Au rekware imi oki Alla mo.

⁴³Au luake le AmaKu Eni kbasare, imi trima Au mo po sepo tamata makete iluake le ruai eni kbasa, imi trimai.

⁴⁴Sepo batuke imi nikwa tamata esi holmate imi, yo imi suka supu holmate bei Alla rebe Esane mo, hoko namake imi hlaleke loko Au moneka.

⁴⁵Imi noake be namake Au tutuke imi me AmaKu oaIje yake, le namake Musa rebe imi hlalekeine pine itutuke imi.

⁴⁶Le sepo imi persaye saisa rebe Musa ilekiule hoko suke imi persaye Au lekwe, le kena buku rebe Musa ilekiule ubeteke Au lekwe.

⁴⁷Po sepo imi pesaye loko saisa rebe Musa ilekiule mo, hoko saisa rebe Au betekele lekwe imi persaye loko more neka.”