Juan 5:40-47

⁴⁰Mélaw amuk munur gom dob Begéne, gédoté kom i umule magufusa, éndob mika gom munur Begén.

⁴¹“Enda sélédé kuy kédayéw i kéilawane.

⁴²Endob gétiga kuy de fédéw gom, énda méimu gom bé Tuluse.

⁴³Sénugu i Tuluse Begén, atin Begén i sarigo nuwe. Gido loo énda ténayakuf gom Begén. Endob buluk wén i ségétéw gégumah énda sénugu i Tuluse de, tayakufé kom.

⁴⁴Enda munur gom non sélédé kom i kédayéw i de dumo gom étéw éndob énda sélédé kom i kédayéwe tidéw dob sébaane tintu Tulus.

⁴⁵Endob kagom fégitungén de ké Begén i témboe begom dob Abay guwe Tulus. Békén Begén. Sénarigo kom i kitabé niray Moisese, éndob been i téméboe begom.

⁴⁶Endob amuk tintu gom munur bé kétoro Moisese, munur gom so Begén, non sénulatén i fantage bé Begéne.

⁴⁷Endob amun énda munur gom bé sénulat Moisese, énda so géunur gom dob Begéne.”