YOHANA. 5:40-47

⁴⁰Hata avo hamulonda kwiza kumwangu giladi mpate ugima.

⁴¹“Nie sizizahila nhogolwa kulawa mwa wanhu.

⁴²Ila niwamanya mweye mwa wanhu wa vilihi. Nivitanga kamba mweye mwabule noge da Mulungu mmioyo yenu.

⁴³Nie niza mtwaga da Tataangu, ila mweye hamunibokele. Ila kamba munhu yeheza mtwaga jake mwenyego, mom'bokela.

⁴⁴Kamba mweye mobokela nhogolwa zilawa mmwenu mwemwe wenyego, ila hamuiyoha mpate nhogolwa zilawa ha Mulungu yeiyeka, avo modahaze kutogola?

⁴⁵Sambimgelegeze kamba nie niza kuwatagusa ha Tata. Musa, imumtamanila, iyo yondayawataguse mweye.

⁴⁶Kamba mweye mumtogola Musa, muhanitogole nie, kwavija kandika mbuli zangu.

⁴⁷Ila kamba hamgatogole gaja gayandike, mogatogolaze gonilonga?”