Jon 5:40-47

⁴⁰Kom yip yukur yisande nange pa yut me ŋam no, pa yambaꞌe laip bwore ŋaiye sai nye nyermbe.

⁴¹Ŋam yukur masande ŋaiye lenge miyeꞌ tuweinge ka pule naŋ embere.

⁴²Kom ŋam sisyeme yip lenge miyeꞌ tuweinge liki. Ŋam sisyeme nange nato ŋoihmbwaip meleꞌe yip iki pe, yip yukur yende nihararme Got.

⁴³Detale, ŋam mat topoꞌe naŋ tikin Yai ŋam pe, yip yukur yisande wusyep ŋam. Kom ŋupe ŋaiye miyeꞌ ende ka ot topoꞌe naŋ kitikin pe, nilyehe sai se pa yisyunde wusyep kin.

⁴⁴Ŋupe ŋaiye lenge miyeꞌ tuweinge ka hriphrip me yip no, ka yul yip naŋ embere pe, yip yisande. Kom yip yukur yende jande yaŋah ŋaiye Got ka yul yip naŋ embere. Ŋaiye pa yende ŋoihmbwaip tuꞌe luku pe, ŋoihmbwaip yip ka se teŋeime ŋam tuꞌe lai?

⁴⁵Yip yukur pa ŋoiheryembe nange ŋam eꞌe ma mende wusyep kot me yip mil ŋembep Yai ŋam. Moses, kin miyeꞌ ŋaiye yip ŋoiheryembe nange ka ungwisme yip. Kom pakai, kin miyeꞌ ŋaiye ka ende wusyep kot me yip.

⁴⁶Ŋaiye ŋoihmbwaip yip ka teŋeime Moses pe, ka teŋeime ŋam topoꞌe. Detale, kin nainge wusyep me ŋam.

⁴⁷Kom ŋoihmbwaip yip yukur teŋeime wusyep ŋaiye kin nainge pe, detaꞌe lai ŋaiye ŋoihmbwaip yip ka se teŋeime wusyep ŋam tuꞌe la?”