Jon 5:40-47

⁴⁰Go peme pare nimi ni piri ade abuna kagaa pirape kone-daa namula epeme.

⁴¹Niri enaalinu pedo puma agale pagoma raana komenalo nale.

⁴²Go pea pare nimina kone ade. Nimina lo robaa-para Gote madaa kone narulaeme.

⁴³Ni ipisuade rabu Aapame mea rapaoma puri gisa pare nimimi ni ora giyeme. Go pea pare ali meda nipuna puri mea epalia-daare nimimi nipu madaa epe kone suma mealimi.

⁴⁴Nimina konere pa pedo pedo pala pimi. Yapare Gote-na pedo pi agalere kone nasalimi-pulu ake pea-daa kone rulalimi ya?

⁴⁵Pare nimina kose lape agale Aapa laketoa kone nasalepape. Dia, nimimi Moses madaa kone rulasimi-pulu nipumi nimi kose lape agale madaa lea.

⁴⁶Pare nimimi Moses-na agale madaa kone waru rulasimi-daare Moses-me ni madaa pepa lisa-le ni madaa page kone mada rulasimina.

⁴⁷Pare nipuna lisade agale madaa kone narulaeme-pulu nina agale madaa page kone mada narulalimi lisa.