Jon 5:40-47

⁴⁰ko kammusus kapini jik ko puloli kapla mauren.

⁴¹“Sete numrreni jinibb nir parsurövi inu, ejki.

⁴²Ko inu nurongwose renge kami ngok, sete kamok-la merrenien se Atua kamok-tori renge nolo kami nir.

⁴³Inu nuvini renge nise Tata suk, ko kami sete kamtekai inu. Ko poro ma jinibb m̃inij san pivini renge ni kobbong nisen, ni ko ma kaptekai.

⁴⁴Ngok kami kaposuri pirpese, suri kami kamok-lila lululweni nosrosrövien renge kami kobbong, ko sete kamok-pej nosrövien nga mivel ji Atua nga m̃isan kis mivini.

⁴⁵Sete kami kaprrorrmi nga kapwera inu bowowra tweni kami tevi Tata suk, pijki. Moses nga mivi m̃er nga kami kamosuri, ko ni ko pia-wowrai tweni kami.

⁴⁶Poro pivi weretunen nga kami kamosuri Moses, ko ngok kami kaposuri inu ko, suri ni oli suri inu kobbong.

⁴⁷Ko suri kami sete kamosuri nale se Moses, ngok kaposuri nale suk nir pirpese?”