Jon 5:40-47

⁴⁰e mi bai filimaan xe siak xena siak a toyan aanabeꞌ.

⁴¹“Nenia, ne pife lalamon temasaat pana suaian sina mu rabuna,

⁴²taasaxa ne texaas o nami, mi piau ta vubuxan xasingitan sena Piran la xunus imi.

⁴³Ne fo savat nabeꞌ lapaana isina Tamaang e mi pife suaian nenia. Tamo ta saxa mataa i taa savat lapaana isin sina fatak mon, mi taa suaian nane, bo?

⁴⁴Malaafaa mi fexaxaas sena namkai layaan mi lalamon temasaat sena suaian simi e mi pife seng a suaian aava Piran fatak a fexaxaas sena tavai nami pana.

⁴⁵“Muta lamon o nenia, ne taa gel tifi nami la mata Tamaang, piau. Na Moses aava mi lamon o i taa xavang nami, nane ve i taa gel tifi nami.

⁴⁶Tamo mi fo namkai sena Xakalayan si Moses mi taa namkai sega senaso nane fo kala sega.

⁴⁷Tamo mi pife namkai sena Xakalayan sina, malaafaa mi taa namkai sena ferawaian siak?”